Pôa Lương Cường, Kăn xiâm hnê ngăn tơnêi têa tơdah Kăn xiâm hnê ngăn Khu tơrŭm cheăng Kul-Việt Nam
Thứ hai, 11:00, 26/05/2025
Tơplôu: Gương/VOV
Tơplôu: Gương/VOV
VOV.Xơ Đăng - Kơxo hâi lơ 25/5, a tíu pêi cheăng Chin phuh, pôa Lương Cường Kăn xiâm hnê ngăn tơnêi têa hiăng tơdah jâMen Sam On- Kăn xiâm hnê ngăn Hô̆i đong tơnêi têa Măt trâ̆n Tơrŭm tuăn mơnhông tơnêi têa kul, Kăn xiâm hnê ngăn Khu tơrŭm cheăng pơla Kul - Việt Nam dế pơkuâ djâ khu kăn xiâm Kul lăm pôu ngăn kiâ pôa Trần Đức Lương, Kăn xiâm hnê ngăn tơnêi têa hneăng hdrối.
Teăng mâ Đảng, Tơnêi têa Việt Nam, Kăn xiâm hnê ngăn tơnêi têa nhoăm mơnê pơtáu Kul - pôa Norodom Sihamoni, Kăn xiâm hnê ngăn Kuô̆k hô̆i râ má môi pôa Samdech Hun Sen ƀă mâu kăn xiâm tơnêi têa têa Kul hiăng pơtroh rơkong hơlêm sĭng khéa ƀă khu kăn lăm pôu ngăn veăng leh tơbâ hnoăng, mơhno tuăn pâ khât ƀă hmâ pơla péa tơnêi têa.
Péa pâ môi tuăn pơtối tơbleăng pêi ai pơxúa mâu tơdroăng kal hiăng châ tơpui a mâu rôh hôp mâu kăn achê kố, malối cho rôh trâm mâ Pái kăn xiâm pơkuâ hnê ngăn Đảng Việt Nam - Kul- Lếo a khế 2/2025. Péa pâ xuân tối ki kal dêi tơrŭm cheăng tiah tiô hmâ ton nah, môi tuăn hmâ ƀă mơ-eăm pêi cheăng xúa dêi rơpó, malối pơla tung kơpong ƀă lâp plâi tơnêi dế ai hên tơdroăng pơ’lêh.
Viết bình luận