A rôh tơdah, pôa Sẻng-phết Hùng-bun-nhuông, kăn teăng mâ Lếo  tối sôk ro tơdroăng tơrŭm môi tuăn pơla Lếo- Việt Nam rế mơnhông trâu rơdâ, pro pơxúa khât ăm kuăn pơlê péa tơnêi têa, tối nhên ki kal tơdroăng tơrŭm pơla Lếo- Việt Nam ƀă tối mơhế pro kăn  cheăng a râ ki lâi kô pơtối pêi cheăng tâi ivá tơná vâ mơnhông tơrŭm krá tâ nếo pơla Lếo - Việt Nam vâ đi đo ngiêt lĕm plâ rơxông krá tơniăn.

Pôa Nguyễn Phú Trọng, Kăn xiâm pơkuâ hnê ngăn Đảng  rơkâu kăn teăng mâ hiăng pê klêi hnoăng cheăng  pơcháu ƀă mâu tơdroăng cheăng ki kal ki Lếo châ  pêi tơƀrê tung mâu hơnăm hdrối,  tối Việt Nam đi  đo môi tuăn tung tơdroăng cheăng hơ’lêh nếo dêi Lếo, hlối loi khât, ai hnoăng pơkuâ dêi Đảng Nhân dân Kăch măng Lếo, kuăn pơlê Lếo pơtối châ pêi hên tơdroăng ki nếo, kân tâ nếo tung tơdroăng tơbleăng pêi pơkâ hneăng hôp má 11 dêi Đảng Nhân dân kăch măng Lếo.