Ngế pro xiâm hnê ngăn Chin phuh tối phiu ro hdrối tơdroăng mơnhông mơdêk ó rơdêi, tâi tâng ƀă păng ‘nâng dêi tơrŭm cheăng pơla Việt Nam – Australia; tối nhên tơdroăng mơdêk tơrŭm cheăng to Khu tơrŭm cheăng tâi tâng cho tơdroăng châ tơƀrê dêi tơdroăng mơ-eăm, khŏm mơ-eăm dêi tŭm péa pâ tung plâ lối 50 hơnăm mơnhông tơrŭm cheăng tơpui kâ.

Pôa Phạm Minh Chính, Ngế pro xiâm hnê ngăn Chin phuh mơnê Australia dế pêi pro hên tơdroăng tơkêa bro tơrŭm cheăng păng ‘nâng, châ tơƀrê, tŏng gum ăm Việt Nam tung hên kơvâ cheăng ing gâk kring tơnêi têa – tơniăn pơlê pơla, hnê mơjiâng ivá pêi cheăng, khoa hok kŏng ngê̆, pơhlêh nếo tơmiât pêi rơkê ƀă kong prâi pơhlêh; pơkâ thế péa pâ thăm tơrŭm inhên mâu tơdroăng môi tuăn râ kăn xiâm châ tơƀrê, pơtối djâ tơrŭm cheăng prôk trâu hơngế tơxâng ƀă tơdroăng tơrŭm cheăng ton xŏn tâi tâng.

Péa kăn xiâm pơkuâ môi tuăn pơtối mơdêk tơpui tơno, tối ăm dêi pó tơdroăng kal, thăm hlê plĕng ƀă loi tơngah dêi pó; pêi trâu hơngế tâ tơrŭm gâk kring tơnêi têa ƀă tơniăn pơlê pơla; mơdêk tơrŭm cheăng kâ châ tơƀrê hên tâ.