Pôa Phạm Minh Chính, Ngế pro xiâm hnê ngăn tơnêi têa rơkâu pôa Nguyễn Hòa Bình, pôa Hồ Đức Phớc, pôa Bùi Thanh Sơn châ rah xo pro Ngế pro xiâm phŏ hnê ngăn Chin phuh; pôa Đỗ Đức Duy châ rah xo pro Ngế xiâm pơkuâ loăng pơlái kong kế ƀă kong prâi, pôa Nguyễn Hải Ninh châ rah xo Ngế xiâm pơkuâ hnê arak luât.

Kố cho tơdroăng hâk tơngăm kân ƀă xuân cho hnoăng cheăng hngăm hngo ki Đảng, Tơnêi têa loi tơngah pơcháu. Ngế pro xiâm hnê ngăn tơnêi têa pói vâ mâu ngế ki nếo châ rah xo pro kăn thăm pêi mâu tơdroăng ki tơná rơkê, túa ki rơkê tơtro tơdroăng pêi, “rơtế tŭm tơdroăng, rơtế pá” rơtế ƀă khu pú hên Chin phuh nếo mơnhông tâ mê nếo rŭm môi tuăn, môi tuăn sap apoăng troh tá tui lui, tơdrăng lĕm, pơhlêh nếo tơmiât pêi rơkê, pêi kêi đeăng rơkê hnoăng cheăng châ pơcháu; pêi tâi hiâm mơno, tâi ivá gum ăm tơdroăng pêi cheăng ăm Tơnêi têa, gum ăm kuăn pơlê.