Kơxê lơ 12/7, pôa Phạm Minh Chính, Ngế pro xiâm hnê ngăn tơnêi têa tơdah pôa Ivan Petrov, Kăn xiâm hnê ngăn Liên đoân mâu Khu tơrŭm Pơcháu tơdah rơxế kân pơto tơmeăm khoăng lâp plâi tơnêi (FIATA).

A roh tơdah Ngế pro xiâm hnê ngăn tơnêi têa pơkâ thế Liên đoân FIATA tơmâng tŏng kum mơdêk tơrŭm cheăng ƀă Việt Nam, tŏng kum mơjiâng Troăng pêi ton xŏn mơnhông mơdró Logistics Việt Nam troh hơnăm 2035, tơmiât pêi troh hơnăm 2045, tối ‘na troăng tơmiât pêi la ngiâ, tơdroăng tơmiât, hnê mơhno troăng hơlâ, hriâm túa ki rơkê tơtro, tơrŭm cheăng lâp plâi tơnêi, kơbông krếo mâu khu mơ’no liăn cheăng mot mâu kơno tuk kân, tŏng kum ‘na hnê mơjiâng mơngế pêi cheăng, kŏng ngê̆, pơkuâ, pơkâ pêi, mơdêk tâ mê nếo ivá tơbriât cheăng ƀă ki dâi lĕm mơdró logistics dêi Việt Nam tiô troăng hơ’lêh pêi cheăng xúa kŏng ngê̆, hơ’lêh pêi cheăng krúa lĕm, cheăng kâ đi đo mơnhông mơdêk, rế hía rế châ achê ƀă tơdroăng ki rơkê dêi kơpong ƀă lâp plâi tơnêi, veăng kum mơjiâng tơdroăng cheăng kâ tơniăn krê, pơkuâ xêh ƀă hbrâ xêh, thăm mot tơrŭm trâu hơngế, păng ‘nâng, châ tơƀrê.