Tơpui a Rôh hôp tơpui, pôa Phạm Minh Chính, Ngế pro xiâm hnê ngăn Chin phuh krếo thế mâu kong têa kal ai hiâm mơno khŏm mơ-eăm kal kí hên tâ, kơxô̆ liăn hên tâ, pêi pro kơhnâ tâ ăm mâu tơdroăng tơkêa bro nhên, ai pơxúa tâ, xut tah tơdroăng kơklêa kơtiê ôh ti xê ai pơxúa khât, mê ối cho môi tung mâu tơdroăng ki kal má môi, tơdjâk tơdrêng troh rak vế hơniâp lĕm, gâk kring, tơniăn tung lâp plâi tơnêi.

Ngế pro xiâm hnê ngăn tơnêi têa pơchuât tơdroăng mơgêi dêi Kăn xiâm hnê ngăn Hồ Chí Minh, “Tơrŭm cho ivá rơdêi khât”, ƀă tung tơdroăng mê tối rơdêi Việt Nam tơhrâ mơdêk khât chuh ngiah hên tơdroăng, tơrŭm ƀă kong têa ê krá tơniăn, veăng gum kơhnâ, tơƀrê tung ivá mơ-eăm tơdjuôm mơjiâng môi plâi tơnêi ôh tá ai xếo kơklêa kơtiê ton xŏn, môi plâi tơnêi krá tơniăn.