Kố cho cheăm kơpong kong ngo, hơhngế, hơngo, tơnêi rơnâk, tơdroăng rêh ối kuăn pơlê ối hên pá puât, drêng lối 600 hok tro xuân thế hriâm a mâu hngêi trung pơtân, ôh tá tŭm kế tơmeăm khoăng. Ngế pro xiâm hnê ngăn tơnêi têa mơnhên tối, tơdroăng mơjiâng hngêi trung nếo djâ ki kơnâ má môi, cho um méa dêi tơdroăng tơrŭm môi tuăn, mơhno tơdroăng tơmâng dêi Đảng, Tơnêi têa ƀă kuăn pơlê kơpong tơkăng kong – ‘’tíu ki kal’’ krá tơniăn dêi Tơnêi têa.

Ngế pro xiâm hnê ngăn tơnêi têa pơkâ thế kong pơlê tơrŭm tăng ƀăng tơnêi, mơhnhôk kơxô̆ liăn pơlê pơla vâ tơniăn tơdroăng mơjiâng pro ƀă ki dâi lĕm dêi kế tơmeăm, mơ-eăm kêi đeăng hdrối hâi lơ 30/8/2026. Roh kố, Ngế pro xiâm hnê ngăn tơnêi têa diâp hngêi trung um ‘’Pôa Hồ pâ kên khêi ăm hok tro’’, mơhno tơdroăng loi tơngah ƀă pói vâ a thái cô tíu tơkăng kong.