Teăng mâ khu kăn Kuô̆k hô̆i kong pơlê Lâm Đồng, pôa Phan Đình Trạc khĕn kơdeăn khât mâu hnoăng veăng ‘no tơdrăng, hnoăng cheăng pêi dêi kuăn pơlê. Pakĭng mê, tơmâng xo mâu tơdroăng hnê tối dêi kuăn pơlê ‘na tơdroăng pơkâ thế mâu kăn cheăm tơring tơleăng mơnhên mâu tơdroăng ki tro hnoăng tơná pơkuâ pêi. Ƀă tơdroăng xing xoăng pro rế lĕm drêng tơ’mot kong pơlê, tơ’mot cheăm, pôa Phan Đình Trạc tối troăng hơlâ mê, ôh tá xê to rah iâ mơngế tê pêi cheăng tung khu kăn pơkuâ cheăng Tơnêi têa, pêi cheăng tơƀrê mê ối vâ mơnhông nếo mơnhông cheăng kâ dêi tơnêi têa.

Rôh kố, pôa Phan Đình Trạc ƀă Khu kăn Kuô̆k hô̆i kong pơlê Lâm Đồng diâp10 kơxu tơmeăm ăm mâu rơpŏng ai hnoăng ki kơtiê, rơpŏng kơtiê xơpá ó a cheăm Bình Thạnh, tơring Đức Trọng.