Tơbleăng a rôh leh, teăng mâ kăn xiâm Đảng Tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa  rơkâu mâu pôa Nguyễn Hòa Bình, pôa Bùi Thanh Sơn, pôa Hồ Đức Phớc châ rah xo pro Ngế pro xiâm phŏ hnê ngăn Chin phuh; rah xo mâu pôa Đỗ Đức Duy pro Ngế pro xiâm ngăn tơmeăm khoăng têa ƀă hyôh kong prâi ƀă  pôa Nguyễn Hải Ninh pro Ngế xiâm ngăn ‘na Luât pôa.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa  pơkâ thế pơtăm ngế kăn pơtói rak vế pêi tro hnoăng cheăng ki lĕm dêi kăch măng, rak tuăn ngôa hiâm mơno ki lĕm, thế môi tuăn ƀă Đảng ƀă Tơnêi têa ƀă Kuăn pơlê, thế pêi cheăng tâi hiâm mơno gum dêi tơnêi têa, gum kuăn pơlê. 

Hdrối mê, kơxo hâi lơ 26/8, ing hnoăng pơkuâ dêi pôa Trần Thanh Mẫn, Kăn xiâm hnê ngăn Kuô̆k hô̆i hneăng 15 hiăng tơkŭm hôp ôh tá xê tiah hmâ vâ tăng ngăn tơdroăng cheăng ’na mơngế ki tro hnoăng  pơkuâ. Kuô̆k hô̆i hneăng 15 hiăng pôk ƀă kĭ rah xo 3 ngế pro xiâm phŏ hnê ngăn Chin phuh; Ngế xiâm ngăn tơmeăm khoăng ƀă hyôh kong prâi; Ngế xiâm ngăn ‘na Luât; Ngế xiâm ngăn Hngêi tơleăng kuăn pơlê ƀă Tíu xiâm séa ngăn arak luât kuăn pơlê.