Pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa tối nhên, tơdroăng ki ‘mâi mơnhông mâu kế tơmeăm klêi kơ’nâi rôh kong mê khía mơhot kân Yagi pro cho hnoăng cheăng rĕng pêi tơdrêng tung măng tĭng kố ƀă tá khu pơkuâ tơdroăng kal kí, kal kơjo ki má môi.

Khu xiâm pơkuâ tơdroăng kal kí, Khu pơkuâ hnê ngăn cheăng Đảng veăng gum mâu kơ koan, tíu pêi cheăng, rơpŏng hngêi ƀă mâu kuăn pơlê ki tro tơ’nhiê kế tơmeăm xua khía mơhot pro, tơdrêng amê hlối khĕn kơdeăn Chin phuh, Ngế pro xiâm hnê ngăn Chin phuh, khu lêng, kŏng an, mâu khu xiâm kơvâ cheăng hiăng pơtroh mâu khu lêng vâ veăng hbrâ ví ing hdrối ing hngế ƀă khía hot kân rôh má 3.

Tối troh ‘na mâu troăng hơlâ kal pêi tơdrêng, pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa pơkâ thế rêm râ, kơvâ cheăng pơtối tơkŭm pêi pro túa pơkâ pêi ƀă túa pơkâ mâu tơdroăng ‘mâi mơnhông kế tơmeăm xua kong mêi khía mơhot kân pro. Tung mê, pơtối pơtroh mâu khu ki tro têa lân mơhiu, mâu ngế ki hía, xúa mâu plong tuk ki rơlê plĕng má môi vâ pơtối châ xúa tăng tŏng xo a mâu kơpong ki nôkố dế tro têa lân lu hía xua kong mê khía mơhot pro.