Đăi hok Quốc gia Hà Nội nếo tơkŭm po Leh tơbâ 120 hơnăm tiô khôi vâi krâ nah ƀă tơdah Mê dái Pêi cheăng ối má Môi. Xông tơpui a roh leh, Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, mot tung chal nếo, pơkâ mơnhông rơdêi ƀă krá tơniăn dêi tơnêi têa pơkâ thế Đăi hok Quốc gia Hà Nội thế mơ-eăm ƀă mơnhông ó rơdêi, tơxâng ƀă hnoăng cheăng dêi đăi hok quốc gia ối má môi.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pói vâ hngêi trung djâ troăng ahdrối pêi pro mâu pơkâ ton xŏn dêi Đảng, veăng kuăn mơngế pro, kế ki chiâng hrik mơ’no hyôh, kŏng ngê̆ sinh hok, tơmeăm ki nếo, on tơhrik nếo ƀă ‘noăng chư chêh kân. Tơdrêng amê pơkâ mâu tơdroăng pêi pro thế châ pêi pro kơtăng, châ tơƀrê ƀă hlê nhên khât, gum tơdrêng tung mơnhông mơdêk tơnêi têa.