Veăng hôp a mâu tíu mơ‘no tung um tơvi ai pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa, pôa Lê Minh Hưng, Ngế pro xiâm hnê ngăn tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i rơtế ƀă hên mâu kăn xiâm ki ê dêi Đảng, Tơnêi têa. Mơ’no tơdrêng tung um po a 4 tíu, mê cho: Hngêi meăn tơbâ inâi mâu ngế hlâ ai hnoăng a cheăm Thanh Thủy (Tuyên Quang), Tượng đài Bắc Sơn (Hà Nội), a ilâng kiâ ‘mé mâu hlâ ai hnoăng Đường 9 (Quảng Trị) ƀă Kŏng viên Lê Thị Riêng (Pơlê kong kân Hồ Chí Minh).

Tơdroăng mê, vâ tơbâ mơhno tơdroăng ki pâ kơ mâu ngế hlâ ai hnoăng tơnêi têa, hlối pơ-eăng mâu lêng ki dế hâi măng pêi hnoăng cheăng tăng rôu chiâ xo kơxêng vâ mơnhên inâi hơnăm mơngế hlâ ai hnoăng. Tơdroăng kal pêi pro mê pro plâ tung pơla mơ’no tung um tơdrêng “Hơlŏng eăng djâ troăng” cho tơdroăng “lăm pêi cheăng 500 hâi măng mơdêk tăng, chiâ tơkŭm ƀă mơnhên inâi hơnăm a kơxêng mê’’.

Tơdroăng amê, châ mơjiâng môi tiah tơdroăng tuăn pâ plâ rôh tơdjêp ƀă nôkố ƀă idrâp, mâu tơmeăm xúa nah ƀă malối ƀă tơdroăng hmâng hơ’muăn tối tơdroăng ki ai khât. Mâu rôh “trâm mâ’’, “châ trâm dêi nôu pâ nhŏng o” klêi chât hơnăm tơdrêng a plông hơdruê. “Mâu ngế hâi la lâi hía”, “ ‘Na plâi nuih - tơdroăng lăm pêi cheăng 500 hâi măng ‘’ ƀă “tơvêh inâi ăm mâu ngoh” cho 3 tơdroăng mơ’no tơdrêng tung um tơvi  “Hơlŏng eăng djâ troăng”.