Ing  hlá mơ-éa chêh tơbleăng mê ƀă tơdroăng veăng hnê tối tơpui a rôh hôp, tối mơgêi, pôa Tô Lâm, Kăn xiâm pơkuâ hnê ngăn, Kăn xiâm hnê ngăn tơnêi têa khĕn kơdeăn khât mâu hnoăng hiăng  mơ-eăm dêi Tôh rah chêh tơdroăng vâ tơbleăng mê hiăng pêi cheăng tâi ivá, hnoăng cheăng tơná vâ pơtroh ăm tiêuh ƀan hbrâ vâ tơbleăng tơdroăng kal kí rôh má  6 klêi hên rôh ‘mâi chêh, tơ’mot tơdroăng veăng hnê tối.

Vâ pơtối chêh klêi hlá mơ-éa tơbleăng kal kí ki vâ pơtroh ăm Khu xiâm Kal kí séa ngăn, ăm hnê tối, chê klêi vâ pơtroh ăm Hneăng hôp Xiâm tơnêi têa má 10 la ngiâ ai tiô púi vâ ‘ló tro ‘na tơdroăng chêh ƀă tơdroăng pêi pro, pôa Tô Lâm, Kăn xiâm pơkuâ hnê ngăn, Kăn xiâm hnê ngăn tơnêi têa tối nhên, tơdroăng kal tung hlá mơ-éa chêh tơbleăng mê thế mơhno tơdroăng ki kal, troăng hơlâ vâ pêi, môi tuăn hlê ‘na rôh pơxiâm nah, tơdroăng ki mơ eăm sap ing mê dêi hdroâng mơngế Việt Nam, kơ’nâi 40 hơăm hriê̆n pơhlêh túa pêi cheăng nếo.

Pôa Tô Lâm, Kăn xiâm pơkuâ hnê ngăn, Kăn xiâm hnê ngăn tơnêi têa  tơmâng tối pơchân Tôh rah chêh thế pơtối rak ki môi tuăn dêi rơpó ƀă tuăn ngôa rơkê pú hên, thế tơpui kơ-êng dêi rơpó nhoăm, nhoăm tơdroăng ki dêi rơpó veăng hnê tối, vâ môi tuăn ƀă pê klêi tơdroăng cheăng.