Ƀă mâu ƀai hơdruê ton nah a rơxông tơplâ, Tơdroăng mê hiăng tơbâ mơhno ăm mơngế ki ngăn vêh pâ troh mâu hâi tơplâ khên tơnôu mê nah; pâ hnoăng ki kân dêi Pôa Hồ Chí Minh, Kăn xiâm hnê ngăn tơnêi têa ki apoăng xuân môi tiah mâu rơxông mơngế Việt Nam hiăng khên tơnôu tơplâ ta troh hlâ vâ kring vế tơniăn krê, tơniăn ăm hdroâng mơngế, hơniâp ro ăm kuăn pơlê.

Ing mâu ƀai hơdruê ton nah ôh tá kâi piu mê, hmâng ai drêng kring rơdêi, ai drêng môi tiah xâu, rơhĭng rơhối, Khu tơkŭm po mơđah hơdruê xuăng ki ro tơviah pơxá “Nắng Ba Đình” púi vâ kô tơbâ tơdroăng kring vế khên tơnôu dêi hdroâng mơngế, tơdroăng hơdruê pơ-eăng tuăn pâ dêi pơlê xiâm tơná, pơ-eăng tơnêi têa, tơdroăng loi kô ai khât tung la ngiâ mơnhông dêi Tơnêi têa Việt Nam rế xông tơƀrê.