Tơpui pơxiâm po Rôh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối nhên pơkâ thế athế séa ngăn nhên túa pơkâ hiăng môi tuăn ing apoăng hneăng, mê cho kơjo gum hên má môi ăm ki rơkê plĕng dêi tơdroăng tơkêa Luât, pôi tá kơtâu tiô kơxô̆ mơngế, mơhno mâu tơdroăng tơkêa Luât rak vế rơkê, tŏng gum tơxâng mâu tơdroăng tơvâ tơvân mê nếo pơtroh ăm Kuô̆k hô̆i tơbleăng.

Klêi leh pơxiâm po, mâu kăn ăm rơkong veăng tơpui tối ‘na kơxop hlá mơ-éa Luât pơkâ kơphô̆ ƀă thôn pơlê. Tung mê tơdroăng ki kal pơkâ tơdjuôm pơlê kong kơdrâm ối tung tơnêi têa châ hên mâu kăn kal vâ ‘nâi ăm rơkong veăng tơpui. Ai mâu rơkong xuân tơpui tối pâ thế túa pơkâ kơphô̆ athế rak tơniăn tơdroăng ki tơdâng tơ’mô ‘na tơnêi tơníu túa kơchuâ chêh pro, troăng prôk hngêi trăng pơlê pơla kih thuât ƀă tơnêi tơníu tung kơdâm tơnêi.