Kơxo kố, lơ 12/7, a Hngêi Kuô̆k hô̆i tơkŭm po roh hôp má 24 dêi Vi ƀan pơkuâ Kuô̆k hô̆i. Tung 3 hâi pêi cheăng, Vi ƀan pơkuâ Kuô̆k hô̆i kô tơpui tối ƀă séa ngăn, tơbleăng ăm pêi pro hên tơdroăng xiâm ki kal. A roh hôp Viƀan pơkuâ Kuô̆k hô̆i tối ‘na tơdroăng mơgêi, séa ngăn tơdroăng pêi pro Pơkâ hên khu 525 dêi Vi ƀan pơkuâ Kuô̆k hô̆i hneăng má 13 ‘na tơdroăng trâm mâ kuăn pơlê dêi kăn teăng mâ Kuô̆k hô̆i.

Tơtrŏng má môi, a roh hôp kố, Vi ƀan pơkuâ Kuô̆k hô̆i tối ‘na tơdroăng tơkêa bro Luât troăng klông ƀă tơdroăng tơkêa bro luât gâk kring, tơniăn troăng klông rơxế kơtâu; Mơgêi hneăng hôp má 5 ƀă tơpui tối apoăng ‘na tơdroăng hbrâ hneăng hôp má 6 dêi Kuô̆k hô̆i hneăng má 15. Pakĭng mê, Vi ƀan pơkuâ Kuô̆k hô̆i séa ngăn, tơbleăng ăm pêi pro pơkâ ‘na tơdroăng pro ăm tơtro mâu tíu pêi cheăng pơkuâ tơnêi têa râ tơring, râ cheăm hneăng hơnăm 2023 – 2030.

Tơdjâk troh tơdroăng séa ngăn, a roh hôp kố, Vi ƀan pơkuâ Kuô̆k hô̆i tơmâng tơbleăng tơdroăng séa ngăn apoăng ‘na tơdroăng séa ngăn dêi Vi ƀan pơkuâ Kuô̆k hô̆i ‘na pơ’lêh nếo tơdroăng, kơxop mơ-éa hriâm phôh thong’’.