6 khế hdrối nah, Vi ƀan Séa ngăn rêm râ hiăng pơxâu hôu 92 khu tơrŭm Đảng ƀă 2 rơpâu 894 ngế đảng viên. Tung mê, Vi ƀan Séa ngăn Tơnêi têa hiăng pơxâu hôu 12 kuh tơrŭm Đảng ƀă 25 ngế đảng viên. Kố cho tơdroăng ki châ tối a Rôh hôp Lâp tơnêi têa Mơgêi hnoăng cheăng séa ngăn, séa ngăn 6 khế apoăng hơnăm ƀă tơbleăng hnoăng cheăng 6 khế mơ’nui hơnăm.

 Ngế cheăng tung Khu xiâm pơkuâ tơdroăng kal kí, kăn pơkuâ ngăn Tíu xiâm Đảng, Kăn pơkuâ Vi ƀan Séa ngăn Tơnêi têa Trần Cẩm Tú pơkuâ po rôh hôp. Tơpui a Rôh hôp, pôa Trần Cẩm Tú ăm ‘nâi: Klêi kơ’nâi séa ngăn veăng kum mơdêk ivá pơkuâ, ivá tơplâ dêi khu tơrŭm Đảng ƀă hbrâ mơdât tơdroăng ki bro kơdroh ‘na hiâm mơno, tơdroăng kal kí, túa rêh ối dêi môi khu kăn ƀô̆, đảng viên.

Pôa Trần Cẩm Tú pơkâ thế Vi ƀan Séa ngăn Tơnêi têa prế Vi ƀan Séa ngăn rêm râ hbrâ rơnáu pêi pro hnoăng cheăng túa pơkâ, séa ngăn mâu tơdroăng, mơdêk ki rơkê tung khu kăn ƀô̆ séa ngăn rêm râ.