VOV4.Xơ Đăng - Kơxê hâi lơ 5/4, a kơpong têa kơxĭ Bà Rịa - Vũng Tàu , Khu xiâm pơkuâ ngăn lêng kơpong Kăn sat têa kơxĭ 3 tơrŭm ƀă khu lêng kring gak tơniăn kĭng têa kơxĭ Ấn Độ tơkŭm po hriâm - tơdjuôm ‘na tơdroăng hbrâ ví têa châu plế, tah têa ‘mêi ki pro ‘mêi hyôh kong prâi ƀă tŏng xo mâu ngế hliăng tiâ.

VOV4.Xơ Đăng - Peăng xê lơ 5/4, a Hngêi hôp Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng ai roh tơpui phôn tơdrêng ƀă pôa Samdech Techo Hun Sen, Kăn xiâm hnê ngăn Đảng Nhân dân Kul, Kăn xiâm hnê ngăn Hô̆i đong hnê mơhno cheăng xiâm dêi kong têa Kul, Kăn xiâm hnê ngăn Kuô̆k hôi râ má môi kong têa Kul.

VOV4.Xơ Đăng - Drêng hiăng klêi hriâm Tơdroăng pơkuâ hnê mơhno râ ki kân hơnăm 2024 tơkŭm po a Boston, pôa Lê Minh Khái - Ngế pro xiâm phŏ hnê ngăn tơnêi têa hiăng trâm mâ ƀă tơpui tơno ƀă mâu kăn, khu mơdró ki kân dêi Mih a pơlê kong xiâm Washington.

VOV4.Xơ Đăng - Kơxo hâi lơ 5/4, a Hà Nội, Khu pêi cheăng tơrŭm Việt Nam tơkŭm po hôp mơ’no tơdrêng tiô troăng hyôh “Mơnhông ƀă tơ’mot mơngế rơkê khât ăm kơpong cheăng kâ pú hên, khu pêi cheăng tơrŭm”.

VOV4.Xơ Đăng - A hneăng hôp Khu kăn Đảng ƀô̆ kong pơlê Gia Lai rôh má 15 tơkŭm po hâi lơ 5/4, Khu xiâm ngăn troăng prôk kong pơlê hiăng tơbleăng ‘na tơdroăng ‘mâi rơnêu troăng rơhlâ ‘no liăn pro troăng kân tơdrăng lĕm Plei Ku - Quy Nhơn ing tơdroăng tơrŭm cheăng rôh apoăng troh ‘no liăn mơjiâng pro tơmeăm khoăng tơnêi têa, ing mê kơdroh 6.500 rơtal liăn ƀă kơxô̆ liăn ki tối apoăng.

VOV4.Xơ Đăng - Mâu hơnăm hdrối, mâu rơxông kăn ƀô̆, mâu lêng kăn sát cơ động Kŏng an kong pơlê Dak Lak hiăng rơtế ƀă mâu lêng tơplâ tăng rup mâu ki ai xôi rơ-iô, tăng rup khu Fulro, kring vế tơnêi têa, rak tơniăn pơlê pơla. Tíu ki hiăng châ pơ-eăng châ Đảng, Tơnêi têa diâp ăm pơxá inâi Tíu pêi cheăng khên tơnôu dêi mâu lêng tơplâ rơtế ƀă hên mê dái, huân chương ƀă hên pri ki kơnía git pơrá phá. Drêng troh tơbâ tơbâ 50 hơnăm hâi mơjiâng khu kăn sát cơ động (15/4/1974 - 15/4/2024).

VOV4.Xơ Đăng - Kơxê lơ 4/4, Khu xiâm pơkuâ lêng tơrŭm ƀă Khu pơtâng tối tơdroăng kal Tơnêi têa tơkŭm po Hôp khu chêh hlá tơbeăng tơbleăng Hneăng hôp tơpui tơno khoa hok râ tơnêi têa “Ƀlêi trâng Điện Biên Phủ ƀă tơdroăng mơjiâng ƀă gâk kring Tơnêi têa Việt Nam xah hô̆i chuh ngiah’’.

VOV4.Xơ Đăng - Kơxê hâi lơ 4/4, a tíu pêi cheăng Chin phuh, pôa Phạm Minh Chính- Ngế pro xiâm hnê ngăn tơnêi têa tơdah pôa  Olivier Brochet - Kăn teăng mâ Pơhlăng prế jâ Carmen Cano de Lasala - Kăn teăng mâ Tây Ban Nha troh koh tơpui tơno drêng pơxiâm xo pêi hnoăng cheăng a Việt Nam.

VOV4.Xơ Đăng - Bu ối tá hâi châ 2 khế xếo, hơnăm hriâm 2023 – 2024 kô mơgêi. Laga troh nôkố, Vi ƀan hnê ngăn kong pơlê Dak Lak xuân tá hâi pơkâ kô rah xo túa tơ’noăng ki lâi ăm hneăng tơ’noăng rah xo hok tro mot hriâm lâm 10. Maluâ ăm mot hriâm hlối, tơ’noăng lơ xúa tá péa túa ki rah xo kố mê xuân ối dâng 8 rơpâu ngế hok tro drêng hiăng hriâm klêi râ má péa kô athế rah mot hriâm a mâu trung tâm yăo yuk thường xuyên, mâu hngêi trung krê lơ hngêi trung hnê cheăng pêi.

VOV4.Xơ Đăng - Kơxo lơ 4/4, Hngêi trung Đăi hok Thái Nguyên tơkŭm po Leh tơbâ 30 hơnăm Hâi mơjiâng ƀă tơdah Mê dái Pêi cheăng ối má môi. Jâ Võ Thị Ánh Xuân, Teăng Kăn xiâm hnê ngăn tơnêi têa veăng ƀă xông tơpui hnê mơhno.