VOV4.Xơ Đăng - Pơtối rôh pôu păng ‘nâng Sinuâ, kơxo lơ 10/4, pôa Vương Đình Huệ, Kăn xiâm hnê ngăn Kuô̆k hô̆i tơnêi têa pin hiăng troh pôu ƀă pêi cheăng a pơlê kong kân Thượng Hải.

VOV4.Xơ Đăng - Hô̆i đong Cheăng kâ Rêh ối Khu lâp kong têa (ECOSOC) hiăng vâ rah xo Việt Nam mot cheăng tung Hô̆i đong Pêi pro tro dêi Kơ koan Khu lâp kong têa ôh tá pơrah kơdrâi ƀă kơnốu hlối diâp hnoăng pơkuâ ăm vâi kơdrâi  (UN Women) hneăng 2025-2027.

VOV4.Xơ Đăng - Kơxo lơ 10/4, jâ Phạm Thị Thanh Trà, ngế xiâm ngăn kong pơlê, hnoăng cheăng dêi mâu kăn ƀô̆ tơdah ƀok xối kân Paul Richard Gallagher, Ngế xiâm tơpui kâ Hngê pâ Xeăng Vatican dế a rôh pôu Việt Nam.

VOV4.Xơ Đăng - Tung tơplâ xâ Pơhlăng nah, malối cho roh lo lăm plâ Điện Biên Phủ 1954, văng Lũng Lô cho môi tung troăng pơtrui tơplâ ki xiâm vâ mâu mố đô̆i ƀă kuăn pơlê pin chơ chiân răng pháu, kơnŏng, chơ mâu phái, kế kâ ăm mâu mô đô̆i, kuăn pơlê ki lăm tơplâ, cho troăng prôk xiâm chơ tơmeăm chiân roh tơplâ nah. Drêng tơbâ 70 hơnăm hâi plâ ƀlêi trâng Điện Biên Phủ, hâi kố, ngin ai ƀai tối ‘na troăng prôk ton nah mê ai mơngế prôk rêm hâi, ai tiô tơdroăng pơcháu cheăng, dêi đông lêng, mâu kuăn pơlê chiân báu phái hiăng tơkŭm ivá hâi măng po troăng hlối kring vế troăng, veăng ‘no hnoăng ki kal plâ ƀlêi trâng” châ pơ-eăng pơtăm kơpong plâi tơnêi, tơdjâk ô eăng kân troh lâp plâi tơnêi’’.

VOV4.Xơ Đăng - Kơxê hâi lơ 9/4, a Hà Nội, Đại tướng Tô Lâm, Ngế cheăng tung khu xiâm Kal kí, Ngế xiâm Kŏng an hiăng tơdah pôa Yamada Takio - Kăn teăng mâ dêi Nhuk a Việt Nam troh koh pơ’lâng drêng hiăng tâi hneăng pêi cheăng.

VOV4.Xơ Đăng - Tung rôh lăm pôu kong têa Sinuâ, kơxê hâi lơ 9/4, a pơlê kong xiâm Bắc Kinh, pôa Vương Đình Huệ, Kăn xiâm hnê ngăn Kuô̆k hô̆i hôp tơpui tơno ‘na tơdroăng “ ‘Mâi hơ’lêh tơdroăng cheăng khu mơdró tơnêi têa ƀă rak ngăn liăn tơnêi têa a Khu mơdró Việt Nam -Sinuâ”.

VOV4.Xơ Đăng - Tung roh lăm pôu, pêi cheăng a kong pơlê Tây Ninh, hâi lơ 9/4, jâ Võ Thị Ánh Xuân, Teăng Kăn xiâm hnê ngăn tơnêi têa hiăng troh lăm pôu kơpong tíu chôu ‘măn tơmeăm khoăng ton nah khôi túa lĕm tro tơnêi têa ki má môi Tíu pêi cheăng Tơnêi têa Kơ koan xiâm peăng hdroh a cheăm Tân Lộc, tơring Tân Biên ƀă lăm pôu Đông mô đô̆i gâk tơkăng kong Xa Mát.

VOV4.Xơ Đăng - A Gia Lai sap apoăng hơnăm troh nôkố đi đo ai klâk têa, pro 13 ngế vâi hdrêng hlâ. Ki nhên kố pơkâ hnoăng dêi rơpŏng ƀă lâp pơlê pơla tung tơdroăng gâk kring ƀă rak vế rak ngăn vâi hdrêng.

VOV4.Xơ Đăng - Kơxo lơ 9/4, pôa Phạm Minh Chính, Ngế pro xiâm hnê ngăn Chin phuh lăm pôu, pêi cheăng ƀă Grup pơkuâ Kơmăi kơmok pơtroh hyôh măng Khu lêng (Viettel) ‘na tơdroăng pêi cheăng hriăn plĕng, mơjiâng kŏng ngê̆ rơxông nếo dêi Grup pơkuâ.

VOV4.Xơ Đăng - Kơxo lơ 9/4, tung rôh lăm pôu păng ‘nâng tơnêi têa Kŏng hòa Nhân yân Trung Hoa, pôa Vương Đình Huệ, Kăn xiâm hnê ngăn Kuô̆k hô̆i hiăng tơpui tơno ƀă pôa Vương Hộ Ninh, Kăn xiâm Chin phuh tơnêi têa Sinuâ.