VOV4. Xơ Đăng - Pơtối tơdroăng roh hôp má 32, kơxo hnah (17/4) Viƀan pơkuâ Kuô̆k hô̆i tơpui ‘na tơdroăng tơkêa bro Luât tơmeăm kơnía mơhno khôi túa lĕm tro (‘mâi rơnêu)

VOV4. Xơ Đăng - Kơxo lơ 17/4, pôa Phạm Minh Chính, Ngế pro xiâm hnê ngăn Chiin phuh trâm mâ, mơnê mâu lêng Điện Biên, droh rơtăm mơhnŏng pleăng dêi hnoăng cheăng, dân kong hỏa tuyến kii veăng tung tơplâ Điện Biên Phủ drêng tơbâ 70 hơnăm ƀlêi trâng Điện Biên Phủ (7/5/1954 - 7/7/2024).

VOV4.Xơ Đăng - Drêng troh hâi kot mâ pôa Nguyễn Phú Trọng - Kăn xiâm pơkuâ hnê ngăn Đảng lơ 14/4, tung mâu hâi hdrối kố nah, hên mâu kăn mâu kong têa, mâu kăn hnê ngăn Đảng hiăng pơtroh kơthô, krếo phôn rơkâu kơ Kăn xiâm pơkuâ hnê ngăn Đảng, tung mê, ai mâu kăn xiâm dêi mâu kong têa, mâu Đảng dêi kong têa Lếo, Sinuâ, Cuba, Rusi, Belarus, Dominicana.

VOV4. Xơ Đăng - Kơxê lơ 16/4, klăng leh tơbâ 70 hơnăm Hâi Ƀlêi trâng Điện Biên Phủ, Khu râ kăn pêi cheăng dêi Chin phuh xua pôa Phạm Minh Chính, Ngế pro xiâm hnê ngăn Chin phuh pơkuâ djâ khu râ kăn hiăng chôu nhang ƀă tu ko pâ troh, tơbâ pâ mơnê a um Đăi tươ̆ng Võ Nguyên Giáp ƀă mâu lêng hiăng khên tơnôu tơplâ pleăng dêi châ chăn mơheăm chhá, pro chiâng ƀlêi trâng Điện Biên Phủ “chuât xơtó troh pơtăm pâ, tơdrôu pêa lâp plâi tơnêi’’.

VOV4.Xơ Đăng - Kơxê hâi lơ 16/4, a hngêi Kuô̆k hô̆i, pôa Vương Đình Huệ - Kăn xiâm hnê ngăn Kuô̆k hô̆i tơdah Kăn xiâm phŏ hnê ngăn ki má môi dêi Kuô̆k hô̆i Hungary cho jâ Márta Mátrai dế pôu pêi cheăng a Việt Nam.

VOV4. Xơ Đăng - Klăng leh tơbâ 120 hơnăm Hâi kot mâ pôa Trần Phú, Kăn xiâm pơkuâ hnê ngăn Đảng, kơxo lơ 16/4, pôa Nguyễn Xuân Thắng – Kăn cheăng tung Khu xiâm kal kí, Kăn hnê ngăn Hô̆i đong tơpui leăng Tơnêi têa têk nhang a Kơpong tơbâ pôa Trần Phú, Kăn xiâm pơkuâ hnê ngăn Đảng hneăng hdrối (ối a cheăm Tùng Ảnh, tơring Đức Thọ, kong pơlê Hà Tĩnh).

VOV4. Xơ Đăng - Kơxo lơ 16/4, a pơlê kong kơdrâm Ƀuôn Ma Thuột, kong pơlê Dak Lak tơkŭm po hneăng hôp hnê mơhno, pơtâng tối mơdêk hlê plĕng ‘na gâk kring tơkăng kong ƀă kong prâi ăm lối 150 kăn ƀô̆ Hô̆i, khu ngế hơnăm hiăng krâ mâu kong pơlê kơpong Tây Nguyên.

VOV4. Xơ Đăng - Kơxê lơ 15/4, pôa Trần Lưu Quang, Ngế pro xiâm phŏ hnê ngăn tơnêi têa hiăng ai rôh tơpui tơno ƀă pôa Ricardo Cabrisas - Ngế pro xiâm hnê ngăn má môi hlối cho ngế xiâm ngăn tê mơdró ƀă ‘no liăn cheăng kong têa ê Cuba.

VOV4. Xơ Đăng - Rôh tơklâm rơxế a 1 chôu 30 phut kơxo kố lơ 16/3 xua rơxế kân klêh xêh tung klôh ki hdoăng mơ’no têa. Kố cho rôh xía vâ ki má 3 tung 4 hâi hdrối a kong pơlê Kon Tum pro 4 ngế hlâ ƀă 26 ngế tro rong.

VOV4.Xơ Đăng - Vi ƀan pơkuâ Kuô̆k hô̆i séa ngăn Hlá mơ-éa pơtroh  pâ thế ‘mâi hơ’lêh troăng rơhlâ ‘no liăn cheăng dêi tơdroăng pơkâ dêi tơnêi têa mơnhông cheăng kâ-rêh ối kơpong hdroâng kuăn ngo ƀă kong ngo pơla hơnăm 2021-2023;