VOV4. Xơ Đăng - Kơxê hâi lơ 2/4, pôa Phạm Minh Chính - Ngế pro xiâm hnê ngăn tơnêi têa pơkuâ Hneăng hôp ƀă mâu ngế xiâm kơ koan teăng mâ Việt Nam a kong têa ê ‘na tơdroăng mơdêk tơpui kâ mơhnhôk cheăng kâ ki pơxúa mơnhông tơnêi têa hơnăm 2024.

VOV4. Xơ Đăng - Pơtối roh lăm pôu pêi cheăng a kong têa Nhuk, tung hâi lơ 2/4, jâ Trương Thị Mai, Kăn cheăng tung Khu xiâm kal kí, Kăn pơkuâ hnê ngăn cheăng Đảng, Kăn pơkuâ tơkŭm po tơdroăng Tơnêi têa. Kăn hnê ngăn Khu kăn Kuô̆k hô̆i râ má môi Việt Nam – Nhuk ƀă Khu râ kăn teăng mâ râ xiâm Đảng pin hiăng ai roh trâm mâ tơpui tơno, pêi cheăng ƀă pôa Kishida Fumio, Ngế pro xiâm hnê ngăn kong têa Nhuk.

VOV4. Xơ Đăng - Kơxo hâi lơ 2/4, a Hngêi hôp kân kong pơlê Khánh Hòa, khu pơkuâ ngăn ngăn pơlê kong kân, Hô̆i đong hnê ngăn kuăn pơlê, Vi ƀan hnê ngăn kuăn pơlê, Vi ƀăn Măt trâ̆n tơnêi têa Việt Nam mơjiâng kơphô̆ Nha Trang tơkŭm po leh tơbâ 100 hơnăm  mơjiâng ƀă mơnhông pơlê kong kân Nha Trang (1924- 292); 15 hơnăm Nha Trang châ mơnhên cho kơphô̆ túa má Môi dei kong pơlê Khánh Hòa (2009-2024).

VOV4. Xơ Đăng - Kơxo lơ 2/4, Tơdroăng Mơnhông Khu lâp kong têa a Việt Nam (UNDP) tơrŭm ƀă Tíu xiâm hriăn plĕng mơnhông ƀă tŏng kum pơlê pơla (CECODES) hiăng tơkŭm po Hneăng hôp tơbleăng Kơlo têk chu Châ tơƀrê pơkuâ ƀă pơkuâ tơdroăng kal kí râ kong pơlê (PAPI) hơnăm 2023.

VOV4. Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo pơkuâ roh hôp ƀă mâu kăn ƀô̆, kơvâ cheăng, kong pơlê, tíu cheăng ‘na tơdroăng pêi pro mâu tơdroăng tơkêa bro troăng kơxái on tơhrik 500kV kơpong ing kong pơlê Quảng Bình troh kong pơlê Hưng Yên.

VOV4. Xơ Đăng Kơxo lơ 2/4 hiăng po leh tơbâ 100 hơnăm mơjiâng ƀă mơnhông pơlê kong kơdrâm Nha Trang, kong pơlê Khánh Hòa. Pôa Trần Thanh Mẫn, Kăn xiâm phŏ hnê ngăn Kuô̆k hô̆i prếi pôa Trần Hồng Hà, Ngế pro xiâm phŏ hnê ngăn tơnêi têa veăng ai mâ a rôh po tơdroăng kố.

VOV4. Xơ Đăng - Kong tô khăng khoăng ton pro hrĭng rơpâu hecta kong a Kon Tum xuân trâm ƀă tơdroăng chếo drêng lâi ôh tá ‘nâi. Mâu khu pơkuâ kong a Kon Tum dế pơtối thăm hbrâ mơdât on chếo.

VOV4. Xơ Đăng - Pơla hdrối kố nah, a pơlê kân Măng Deang, tơring Kon Plông, kong pơlê Kon Tum, Kŏng ti xiâm Tân Cảng Sài Gòn hiăng tơrŭm ƀă Khu hnê mơhnhôk cheăng Đảng kong pơlê Kon Tum tơkŭm po roh Hôp mơgêi 1 hơnăm pêi tơdroăng hnê tối ‘na têa kơxĭ, chuăn rơlố; tơ’mot hên mơngế pêi cheăng hơnăm 2023 ƀă Khu hnê mơhnhôk cheăng kal kí a mâu kong pơlê Kon Tum, Gia Lai ƀă Dak Nông ƀă hlối kĭ tơhrâ tơrŭm cheăng  pêi  tung hơnăm 2024.

VOV4.Xơ Đăng - Kơxê hâi lơ 1/4, a tíu pêi cheăng Chin phuh, pôa Phạm Minh Chính - Ngế pro xiâm hnê ngăn tơnêi têa pơkuâ hôp ƀă mâu khu xiâm, kơvâ cheăng, kong pơlê, tíu pêi cheăng ‘na tơdroăng pêi pro mâu tơdroăng tơkêa pro Troăng kơxái on tơhrik 500kV mrô 3 pơla  sap Quảng Trạch (kong pơlê Quảng Bình) troh Phố Nối (kong pơlê Hưng Yên).

VOV4.Xơ Đăng - Drêng Têt tiô khôi hmâ Chôl Chnăm Thmây hơnăm 2024 dêi hdroâng kuăn ngo Khmer, pôa Phạm Minh Chính, Ngế pro xiâm hnê ngăn Chin phuh hiăng pơtroh Kơthô rơkâu troh kuăn pơlê hdroâng kuăn ngo, mâu kăn ƀă mâu ngế ki pro ƀok jâ hdroâng Khmer.