VOV4.Sêdang - Kong pơlê Daknông nôkố ai lối 1 rơpâu ngế sinh viên hiăng hriâm klêi mâu hngêi trung trung kâp, kao đăng, đăi hok tá hâi ai tơdroăng cheăng pêi. Kuăn muăn hdroâng kuăn ngo ki ôh tá ai cheăng pêi, la tơdroăng pơkâ ki rah xo cheăng 20% kăn [o#, mâu ngế pêi cheăng tung mâu kơ koan tơnêi têa a Daknông cho hdroâng kuăn ngo ôh tá châ pro tiô pơkâ, xua hriâm kơvâ hnê cheăng pêi ôh tá tơtro [ă tơdroăng ki rơhêng vâ rah xo dêi kong pơlê. Kuăn pơlê rơhêng vâ kong pơlê Daknông ai mâu troăng hơlâ pêi pro tro tâ vâ kuăn muăn, cháu chái dêi mâu hdroâng kuăn ngo klêi kơ’nâi hriâm ai cheăng pêi tơtro, veăng kum mơjiâng tơnêi têa.

          K’Tông, hiăng klêi hriâm kơvâ Lý luận chính trị, hngêi trung Đăi hok Tây Nguyên a hơnăm 2013, dế kố dế pêi cheăng tơkêa xúa ‘na kơvâ cheăng pêi-mô đo#i tro rong rêh ối pơlê pơla a Vi [an hnê ngăn cheăm Dak Nia, pơlê kong kâm Gia Nghĩa, kong pơlê Daknông. Hnoăng cheăng ôh tá tơtro [ă kơvâ ki o hiăng hriâm mê o khoh chiâng trâm hên pá puât. K’Tông tối: Á pói rơhêng châ Đảng, Tơnêi têa to\ng kum ăm khu sinh viên nếo lo ing hngêi trung, malối [ă sinh viên cho hdroâng kuăn ngo môi tiah ngin. Klêi lo ing hngêi trung ai cheăng pêi tơtro [ă kơvâ ki ngin hiăng hriâm, vâ tơxâng ‘no dêi tơdroăng ki rơkê ple\ng tơná vâ kum mơnhong mơdêk cheăng kâ rêh ối pơlê cheăm.

          Maluâ tá hâi tro hiâm mơno pói vâ dêi kuăn pơlê, la tơdroăng cheăng dêi K’Tông xuân ối mơhúa, [ă bu tối phá to a cheăm Dak Nia hiăng ai troh 30 ngế vâi o hriâm klêi trung kâp, kao đăng, đăi hok, klêi mê vêh ối a hngêi tê kơtê, lơ kum dêi nôu pâ lăm pêi chiâk pêi deăng. Jâ Quản Thị Ngọc, Kăn pho\ hnê ngăn Vi [an hnê ngăn cheăm Dak Nia, ối tung pơlê kong krâm Gia Nghĩa tối ăm ‘nâi, Vi [an hnê ngăn cheăm bu to\ng kum ‘mot 2 ngế mot cheăng k^ tơkêa iâ hâi, ki u ối cho xua kong pơlê kal athế ai troăng hơlâ to\ng kum vâi châ pêi cheăng tơniăn kra ton tâ: Pơla kố nah Khu hnê mơhno cheăng kuăn ngo kong pơlê xuân hiăng chêh xo inâi mâu ngế sinh viên hdroâng kuăn ngo, mê ngin xuân hiăng tối pơtâng ăm kong pơlê, kơxo# vâi ‘ne\ng klêi lo ing hngêi trung tá hâi ai cheăng pêi ga hên ‘nâng. Pâ thế khu kăn kong pơlê xuân môi tiah khu kăn hnê mơhno cheăng kuăn ngo kal ai rơkong tơpui tối, ai troăng hơlâ to\ng kum mâu vâi o châ tăng cheăng pêi klêi kơ’nâi hriâm, kal athế kơjo kum tăng cheăng pêi ăm kuăn ‘ne\ng hdroâng kuăn ngo akố ai cheăng pêi tơniăn.

          A cheăm Trường Xuân, tơring Dak Song, kong pơlê Daknông, tíu ki ai troh 22 hdroâng kuăn ngo rơtế rêh kâ ối. Pôa Nguyễn Văn Anh, Kăn pơkuâ hnê ngăn Đảng cheăm Trường Xuân tối ăm ‘nâi, maluâ cheăm ôh tá ai mơngế ki vâ pơtó pro kăn [o#, cho hdroâng kuăn ngo ki châ hriâm troh lâm kân, la cheăm bu chiâng xo bu 1 ngế tê mot pêi cheăng. Ối lối 10 ngế vâi o hiăng klêi hriâm mâu kơvâ sư phăm văn, sưh, y yươk, ke# toăn [ă hía hế, vêh a pơlê cheăm ôh tá châ xo mot pêi cheăng: Xua tơdroăng ki tơdjâk troăng hriâm kơvâ cheăng hdrối nah dêi vâi o ôh tá châ mơnhên khât, xua mê, ai mâu vâi o ki hriâm mâu kơvâ cheăng dế nôkố pơlê pơla tá hâi kal tăng xo tơdroăng cheăng ki mê. Tung pơla mê nếo, tơnêi têa dế thế kơdroh lôi kăn [o# ki pêi cheăng ôh tá rơhéa. Vâi vêh a kong pơlê, tơring, cheăm ôh tá châ ăm vâi tăng cheăng pêi, xua vâi o hriâm mâu tơdroăng cheăng mê ôh tá tơtro. Tung pơla a kong pơlê, tơring, cheăm mê kơvâ ‘na pêi chiâk deăng, mơnhông mơdêk thôn pơlê, lơ cheăng ‘na chêh bro hlá mơ-éa ôh tá ai mơngế cheăng.

          Tiô hlá mơ-éa chêh tối dêi Khu kăn pơkuâ Kuo#k ho#i kong pơlê Daknông, a kong pơlê kố ai lối 1 rơpâu ngế sinh viên ki hiăng mơgêi hriâm hngêi trung kao đăng, đăi hok la tá hâi ai cheăng pêi. Tung kơxo# vâ chê 200 ngế sinh viên ki châ rah xo hriâm đăi hok, klêi hriâm vâi vêh a kong pơlê, mê ối lối 100 ngế vâi o ôh tá châ pêi cheăng. Paro\ng mê nếo, ai hên kơvâ cheăng a Daknông dế ôh tá ai mơngế cheăng, lơ ai mơngế la vâi ôh tá châ hriâm troh lâm kân, môi tiah kơvâ pêi chiâk deăng, ôm hyô, cô hnê mâm non, thái cô hnê râ má 1 [ă hía hế. Hlo ai tơdroăng kố, pôa Điểu Xuân Hùng, Kăn hnê ngăn Vi [an Măt tra#n kong pơlê Daknông tối: ‘Na tơdroăng tăng rah vâi o lăm hriâm kao đăng, đăi hok, mê tiô á tơmiât, troăng hơlâ ki pơkâ mê ga tro, la ki vâ pêi pro păng ‘nâng kal athế séa mơnhên ngăn tơrêm kơpong ki kong pơlê kal vâ, ôh tá xê hmếo pơ tăng rah xo vâi o hriâm hên h^n, mê kal athế tăng rah i nhên mơngế, kơvâ hriâm sap ing cheăm troh a kong pơlê. Lalâi vâi hiăng hriâm klêi ah, vâi hiăng ‘nâi tơniăn ai cheăng pêi dêi á pơlê cheăm tơná, drêng mê ah tơdroăng rêh ối vâi kô tơniăn le\m tâ. Dế nôkố, kong pơlê ối kal hên mơngế pêi cheăng ki châ hriâm rơkê troh lâm kân. Ki ahdrôi tâ cho kơvâ hnê hriâm, tung pơla mê, ki kal má môi cho cô hnê râ mâm non, a pơlê cheăm ki hơngế hơngo kố, mê cho tơdroăng hnê cheăng kal athế hnê i nhên, xua tâng kuăn ‘ne\ng châ hriâm rơkê a mâuh yăo mê vâi hriâm râ má 1, má 2 mâu vâi o hdroâng kuăn ngo nếo chía rơkê tâ, xua hên ngế vâi muăn chiâng tơpui la ôh tá păng chêh, chiâng chêh nâl Xuăn la ôh tá păng tơpui.

          10 hơnăm hdrối nah, kong pơlê Daknông hiăng pơkâ troh a hơnăm 2015 kô tăng rah xo mơngế hdroâng kuăn ngo mot pêi cheăng tung mâu kơ koan dêi tơnêi têa châ 20% tung tâi tâng kơxo# kăn [o#. Maluâ tiah mê, troh nôkố kơxo# kố bu xiâm ai dâng 4%. Ki rơhêng vâ tối akố, xuân ôh tá hâi ai hên mâu kăn [o# hdroâng kuăn ngo ki hriâm troh lâm kân, la mâu vâi o ki hriâm klêi a mâu hngêi trung trung kâp, kao đăng, đăi hok drêng vêh dêi a pơlê cheăm xuân tá hâi ai cheăng pêi, xua kơvâ ki hnê mơjiâng vâi o mê hnê tơdroăng cheăng ki kong pơlê tá hâi kal vâ. Kuăn pơlê pói rơhêng vâ, kong pơlê Daknông kal athế ai troăng hơlâ, tơdjâ ‘na kơvâ hriâm ăm i tơtro [ă kuăn ‘ne\ng cháu chái, tơtro [ă tơdroăng cheăng ki vâ mơnhông mơdêk cheăng kâ-rêh ối pơlê pơla, troăng hơlâ ki tăng rah mơngế kăn [o# hdroâng kuăn ngo kal athế tơtro tâ, nhên tâ. Ai tiah mê, kuăn ‘ne\ng hdroâng kuăn ngo a Daknông nếo châ kơdôu mơ-eăm hriâm tâp [ă pêi cheăng, veăng ‘no dêi ivá mơno vâ mơjiâng pơlê pơla, tơnêi têa.

Nhat Lisa tơplôu [ă tơbleăng