Maluâ tơdroăng mê châ ‘nâi hiăng lối chât hâi, la kuăn pơlê xuân hâi teăm tâi tơdroăng khéa hơ’nêng ‘na tơdroăng pâm xiăn vâi ‘ne\ng a cheăm Dak Wer, tơring Dak Rlâp, kong pơlê Dak Nông. Ki nhên ga, a kơxo hâi lơ 27/12/2017, ai môi to clip ki kuăn pơlê hiăng châ xup xo ‘măn tung trang facebook ‘na um ki ai môi ngế muăn 2 hơnăm tro ngế ki păn roăng pâm xiăn. Tung um mê, hlo ai môi ngế kơdrâi, tối cho ngế ki păn roăng, rak ngăn đi đo ai mâu tơdroăng ki râng drăng ếo muăn kơnốu mê toi djâ, têa, tok hên hdroh a ko ngế muăn ki dế krôu ó mê.

Muăn kơnốu ki hiăng châ xup xo tung clip ki mê inâi cho Đỗ Đắc Minh Đăng, kot mâ a hâi lơ 13/1/2015 a thôn 13, cheăm Dak Wer, tơring Dak Rlâp. Ngế kơdrâi ki xiăn pâm muăn Minh Đăng ki hiăng xup tung clip mê cho jâ Phạm Thị Vấn, kot mâ hơnăm 1957, hiăng hmâ cheăng păn roăng, rak ngăn vâi muăn-kuăn ‘ne\ng vâ chê 10 hơnăm a cheăm Dak Wer. Hdrối kố nah, ai dâng 1 hơnăm, jâ Vấn mung hngêi ối a thôn 6, cheăm Kiến Thành vâ pơtối păn roăng vâi hdrêng. Jâ dế păn roăng, rak ngăn 13 ngế vâi hdrêng, ki hên, to mâu muăn ki sap ing 2 troh 3 hơnăm.

Ngoh Đỗ Đắc Dương, pâ dêi muăn Minh Đăng tối, ngoh prế mâi ngoh hiăng ăm jâ Vấn păn roăng, rak ngăn ai 1 rơtuh liăn 1 khế sap ing khế 8 hơnăm 2016 nah troh nốkố. Klêi kơ’nâi ngăn um tung clip ki mê, ngoh Dương hlo khéa kho ‘nâng [ă hiăng chêh pro đơn pơtroh ăm Ko\ng an cheăm Kiến Thành, tơring Dak Rlâp.

Tiô {ơrô ngăn ‘na hnê hriâm dêi tơring Dak Rlâp ăm ‘nâi, dế kố, ai 43 tíu ki păn roăng, rak ngăn vâi hdrêng, tung mê, bu ai 19 tíu ki pâ phep, tơkéa vâ tối hiăng ai hlá mơ-éa phêp. Hnoăng cheăng pơkuâ ngăn khu vâi hdrêng pakong tíu păn roăng dêi tơnêi têa ối trâm hên tơdroăng pá puât. Tung mê, ai tá tơdroăng ki nôu pâ vâi muăn [ă tíu păn roăng ôh tá vâ tơru\m tung tơdroăng pro mơnhên mê hnoăng pơkuâ ngăn khoh chiâng pá. Jâ Vũ Thị Hiến, Kăn pho\ pơkuâ {ơrô Hnê hriâm dêi tơring Dak Rlâp tối ăm ‘nâi:

‘’Krê to mâu vâi muăn dêi jâ Phạm Thị Vấn hiăng ai clip um ki ‘măn tung trang facebook, mê {ơrô hnê hriâm xuân hiăng ai to lâi hdroh troh vâ tí tăng êng mơnhên ngăn [ă ‘nâi ple\ng tơdroăng a mê. Maluâ ti mê, tơdroăng ki vâ pro ăm hlá mơ-éa phêp ga ti hâi tơxâng, ing mê, khoh chiâng lôi ai tơdroăng tiah mê, ing mê, xuân cho tơdroăng ki khéa kho, pak^ng tơdroăng ki pơkuâ ngăn dêi khu ‘na tơdroăng cheăng séa ngăn dêi ngin’’.

Jâ H’Nho\, Kăn pho\ hnê ngăn Vi [an tơring Dak Rlâp tối ăm ‘nâi, peăng tơring, klêi kơ’nâi châ ‘nâi ple\ng nhên tơdroăng, mê khu kăn pơkuâ [ă kơvâ cheăng hiăng tí tăng êng ngăn, xo rơkong ki êng mơnhên, hnối pêi cheăng [ă jâ Phạm Thị Vấn, ngế ki hiăng ai hên tơdroăng pâm xiăn vâi muăn ki păn rak.

Xuân tiô jâ H’Nho\ tối, maluâ tá hâi teăm châ séa mơnhên ngăn i tu\m, la ing tơdroăng kố kal athế re\ng mơnhên ngăn vâ ‘nâi mâu tíu ki păn roăng, rak ngăn vâi hdrêng tung tơring kố, vâ châ hlo, châ ‘nâi, thế pơtê lôi mâu hngêi, mâu tíu ki păn roăng rak ngăn vâi hdrêng ôh tá tơxâng tung la ngiâ kố ah.

‘’Klêi kơ’nâi séa mơnhên ngăn um tung clip mê, á hlo kố cho tơdroăng ki pơloăng kân ‘nâng, kal athế re\ng hôu tối, xua ai xiăn pâm vâi hdrêng, peăng Vi [an hnê ngăn tơring, ngin xuân pơtối hnê khe\n ‘na hnoăng pơkuâ ngăn vâi hdrêng pá kong tíu pêi cheăng dêi tơnêi têa, tro tiô tơdroăng pơkâ dêi Luât xiâm tơnêi têa. Ki nhên ga, pơkâ thế Vi [an hnê ngăn mâu cheăm, pơlê kân kal athế châ séa ngăn, ‘nâi nhên vâ thế pơtê hlối mâu hngêi, mâu tíu ki păn roăng, rak ngăn vâi hdrêng ki ti tro tơdroăng, tá hâi teăm ăm hlá mơ-éa phep tung tơring kố’’.

Xuân tung khế 12/2017, Khu xiâm ngăn ‘na cheăng pêi, mô đo#i rong [ă pơlê pơla hiăng mơjiâng pro Tổng đài tơpui phôn dêi tơnêi têa ‘na kring vế, rak ngăn vâi hdrêng, kơxo# apoăng ai 111, đi đo hmâ tơdah xo, tơmâng ngăn, tối tơbleăng, pơtâng tối mâu tơdroăng ki tơ’lêi ai mâu ngế ki tí tăng xiăn pâm vâi hdrêng.

Tổng đài cho tíu ki vâ tơpui tơno ki tơviah, klêi kơ’nâi châ tâng tơmâng mâu tơdroăng ki nếo ai, mê khu pơkuâ ngăn ‘na hnoăng cheăng kố kô tơpui [ă mâu khu ki ai tơdjâk troh vâ mơnhên tơdroăng; tối pơtâng tơdroăng ki nếo ai mê, hnối hnê tối ‘na luât, troăng hơlâ, ki rơkê ple\ng, ki vâ pơtối rak vế tiô hnoăng vâi hdrêng, êng mơnhên ‘na hiâm tuăn ăm vâi hdrrêng, nôu, pâ [ă mâu ngế tung rơpo\ng hngêi tung hnoăng cheăng păn roăng, hnê tối, kring vế vâi hdrêng, hnối kum ăm vâi hdrêng châ ai tơdroăng ki rak ngăn tơniăn [ă hên ki ê hía.

Vâi krâ-nho\ng o kal athế hbrâ pơtâng tối, pơtroh ăm khu pơkuâ ‘na kơvâ cheăng kố vâ rơtế [ă hên khu râ ki ê tung hnoăng cheăng kring vế, rak ngăn vâi ‘ne\ng, hnê tối, hôu khe\n mâu ngế ki ai xôi, athế rup tơleăng vâi ki pro xôi mê.

Hoàng Qui chêh

Nhat Lisa tơplôu [ă tơbleăng