Tiô mâu khu kăn tối, ki xiâm dêi rôh kơ-êng kơ Ngế pro xiâm hnê ngăn Chin phuh ai tơpui tối hên tơdroăng ki kal, tối tơbleăng tung lâp lu [ă xuân cho mâu tơdroăng ki kal vâ pơkâ tơleăng vâ mơnhông mơdêk cheăng kâ rêh ối pơlê pơla.

Sap ing tơdroăng mơjiâng Chin phuh, mơjiâng kơpho# ki rơkê ple\ng troh tơdroăng ki ôh tá tơdâng tơ’mô pơla mơdro\ng [ă kơtiê pơla mâu kơpong, tơleăng mơnhên mâu tơdroăng ki ôh tá tơniăn dêi mâu tơkêa BOT troăng prôk tá troh tơlo liăn mơdró kâ Tơnêi [ă hên tơdroăng ki ê. Mơnhên tối khât rơkong tiâ mơnhên dêi Ngế pro xiâm hnê ngăn tơnêi têa ‘na mâu tơdroăng kố, pôa Nguyễn Thái Học, kăn Kuo#k ho#i kong pơlê Phú Yên tối tiah kố: Mơ-eăm dêi Ngế pro xiâm hnê ngăn tơnêi têa hiăng hlo nhên khât, la ki păng ‘nâng gá hên kăn [o# ối hlo ôh tá vâ tơmâng.

Kố cho tơdroăng ki mâu kăn rơhêng vâ tơmâng ngăn má môi, pro tiah ai tơdroăng ki tơdâng tơ’mô tung pơkuâ, hnê mơhno, sap ing ngế ki pơkuâ cho Ngế pro xiâm hnê ngăn tơnêi têa troh khu Ngế xiâm pơkuâ, kăn pơkuâ kơvâ cheăng troh kăn pơkuâ kong pơlê.

Tiah mê, mâu tơdroăng ki tá hai pêi klêi, ối ton mê nếo kâi ‘mâi rơnêu. Pôa Nguyễn Thái Học ăm ‘nâi:

‘’Ai hên tơdroăng ki châ khu kăn Kuo#k ho#i [ă tơná á rơhêng vâ môi tuăn, tơmâng ngăn, loi tơngah ai tơdroăng ki mơ-eăm, kơhnâ dêi Ngế pro xiâm hnê ngăn tơnêi têa. Á rơhêng vâ tiah kố, pro tiah lâi sap ing tuăn hiâm hnê mơhno kơhnâ dêi Tơnêi têa, Chin phuh mê kô pro hơ’lêh ‘na tuăn tơmiât, túa pêi cheăng, pêi pro tơdroăng cheăng tiô pơkâ tung pơkuâ rak ngăn Tơnêi têa, pro tiah lâi kơ koan cheăng tơnêi têa athế pêi pro tơdâng tơ’mô, pơkâ kơtăng tro tiô tuăn hiâm dêi Khu xiâm Đảng, Chin phuh [ă Ngế pro xiâm hnê ngăn Chin phuh’’.

Môi tuăn [ă tơdroăng ki tiâ mơnhên dêi Ngế pro xiâm hnê ngăn tơnêi têa, mâu kăn tối tiah kố, ngế ki pơkuâ xiâm Chin phuh hiăng ngăn hlo tơdroăng ‘na ki tơpá, pơloăng mơnúa ki xiâm dêi tơnêi têa tung hơnăm 2017 [ă mâu hơnăm ki pơtối, mê cho ki rơkê ple\ng.

Rơtế [ă hlá mơ-éa tối tơbleăng a ngiâ Kuo#k ho#i, Ngế pro xiâm hnê ngăn tơnêi têa hiăng tiâ mơnhên vâ tu\m, tâi tâng, pơkâ tơleăng mâu tơdroăng xuân môi tiah pơkâ mơ’no troăng hơlâ ăm kuăn pơlê [ă khu kăn Kuo#k ho#i tơkôm. Môi tuăn [ă rơkong krếo thế dêi Ngế pro xiâm hnê ngăn tơnêi têa [ă mâu khu mơdró kâ mâu khu ki ‘no liăn cheăng châ to\ng kum, ôh tá tong mơhá ăm liăn, pôa Lưu Bình Nhưỡng, ngế kăn troh ing Bến Tre tối tiah kố:

‘’Tơdroăng pơkâ dêi Ngế pro xiâm hnê ngăn tơnêi têa a kố ai péa tơdroăng. Má môi, rơhêng vâ hnê mơhno troh mâu kơ koan, khu râ kơvâ cheăng kong pơlê, la mâu ngế ki ai hnoăng pơkuâ ai tơdjâk troh tơdroăng rêh ối dêi khu mơdró kâ, ôh tá chiâng pro pá ăm khu mơdró kâ, malối pôi tá chiâng xo hnoăng cheăng, pro tíu cheăng dêi tơná vâ pơxúa sap ing khu mơdró kâ. Ki ê, xuân tối rơdêi, mâu kơ koan ki ai hnoăng pơkuâ ôh tá chiâng phêp pơklât khu mơdró kâ. Kố cho tơdroăng pơkâ ki tro’’.

Môi tung mâu tơdroăng ki xiâm châ hên khu kăn kơ-êng Ngế pro xiâm hnê ngăn tơnêi têa cho ‘na kâ kơloâ, kâ kơhveăm liăn ngân. Pôa Ngọ Duy Hiểu, kăn Kuo#k ho#i pơlê kong kân Hà Nội mơnhên tối khât ivá mơ-eăm dêi Ngế pro xiâm hnê ngăn tơnêi têa tung tơdroăng kố [ă tối tiah kố, mơ-eăm dêi Ngế pro xiâm hnê ngăn tơnêi têa cho tơdroăng ki pơtối pêi pro nhên mâu troăng hơlâ dêi Đảng tung hbrâ mơdât kâ kơluâ kâ kơhveăm liăn ngân.

‘’Tơmiât dêi Ngế pro xiâm hnê ngăn tơnêi têa tối ‘na tơdroăng hbrâ mơdât kố ôh tá ai kơpong mơdât. Á tơmiât tiah kố, mơhno tối tung pơla hdrối kố nah tung rôh tơplâ kố hiăng mơhno tối hnoăng cheăng kăn pơkuâ a râ ki xiâm.

A hên kong pơlê, hên kơvâ cheăng ki phá tơ-ê dêi pó pơrá châ pơxâu phâk a ngiâ luât, á loi tơngah tiah kố, tuăn hiâm, mơ-eăm pơtối châ tối tơbleăng tung la ngiâ [ă pin ai hnoăng ki loi tơngah tơkôm mâu tơdroăng ki châ tơ-[rê tung rôh tơtrâ mơ-eăm tâi ivá ki pá kố’’.

Mâu kăn mơnhên tối, tung rôh kơ-êng, Ngế pro xiâm hnê ngăn tơnêi têa ối tối tơrêm rôh kâ hmê dêi kuăn pơlê, [ă mâu tơdroăng ki pơtih, ki tơtro a tơrêm kong pơlê khu mơdró kâ ăm hlo Ngế pro xiâm hnê ngăn tơnêi têa cho ngế ki kơdo mơ-eăm [ă tơdroăng ki ai khât, kơhnâ [ă séa ngăn khât tơdroăng rêh ối dêi kuăn pơlê.

Tơdrêng a mê, mâu tơdroăng klâi ki hiăng tơhrâ, tối mơnhên dêi Ngế pro xiâm hnê ngăn Chin phuh a rôh kơ-êng hiăng pơkâ ăm ivá, pơtroh ăm tơdroăng ki loi tơngah ăm mâu kăn Kuo#k ho#i tung pêi pro tiô troăng hơlâ dêi Đảng, Tơnêi têa kơtăng, tơdrăng dêi tơnêi têa [ă mơnhông mơdêk cheăng kâ, mơhno mơjiâng túa le\m tro pơlê pơla.

Nguyên Nhung - Lê Thơm chêh

Katarina Nga tơplôu [ă pơchuât