VOV4.Sêdang - Hiăng pêi tro tơdroăng ki vê, hdró sap ing lối 5 hơnăm, la troh nokố ai lối rơpâu rơpo\ng kuăn pơlê a tơring Ea Hleo, kong pơlê Dak Lak xuân tá hâi châ xo hlá ph^u rak xúa tơnêi. Tơdroăng kố chiâng pá păng ‘nâng troh hnoăng cheăng, hên ngế kal ai kơxo# liăn tê mơdró athế tí tăng troh kơxo# liăn ki ăm mung xo liăn laih hên. {ai dêi Tuấn Long, ngế chêh hla tơbeăng cheăng tung Rơ’jiu Việt Nam a kơpong Tây Nguyên ai chêh tối ‘na tơdroăng kố.          

Pôa Lê Duy Thủy, ối a thôn 2C, cheăm Ea Hleo ai 1 ha tơdế tơnêi ki hiăng pêi châ to lâi hơnăm achê pơla kố. Pôa Thủy tối ăm ‘nâi: Sap ing hơnăm 2009, rơtế [ă hên mâu rơpo\ng ki ê tung kơpong kố hiăng châ kăn [o# ngăn ‘na tơnêi vê hdró vâ hbru ph^u rak xua tơnêi. La hiăng luâ 5 hơnăm kố, cheăm xuân tá hâi pơcháu ăm kuăn pơlê. Kal kơxo# liăn ki vâ pêi cheăng kâ la ôh tá ai tơnêi vâ kok dêi [âng tơnêi mê vâ khoh châ mung liăn, xua mê, hngêi rak liăn khoh ôh tá ăm mung liăn. Pôa Thủy tối ăm ‘nâi, rơpo\ng pôa athế mung liăn pá kong mơdrếo liăn tơkâ hên tâng vâ pơchông ngăn [ă hngêi rak liăn: Athế lăm mung liăn pá kong, la athế mơdrếo liăn tơkâ hên ‘nâng yoh, pơtih mung 1 rơtuh athế mơdrếo 50 rơpâu liăn, rơpo\ng a mung hiăng lối 100 rơtuh liăn, pêi cheăng kâ ai khế ki ‘nâ mơdrếo tu\m, khế ‘nâ mơdrếo ôh tá tu\m, la xuân athế mơ-eăm tăng kơxo# liăn ing ê vâ mơdrếo.

Pôa Thủy ai 1,5 ha tơnêi tá hâi teăm châ pro ăm ph^u rak xúa tơnêi

Rơpo\ng pôa Bùi Trọng Luận ối a thôn 1, cheăm Ea Hleo xuân hiăng vê dêi tơnêi vâ pro hlá ph^u rak xúa tơnêi hiăng luâ 5 hơnăm kố, la troh nôkố xuân tá hâi teăm châ xo ph^u rak xúa tơnêi. Ngoh Luận tối ăm ‘nâi: Xua tâng vâ mung liăn ing hngêi rak liăn, ngin tá hâi teăm ai ph^u rak xúa tơnêi, mê ngin khoh ôh tá châ mung liăn ing hngêi rak liăn. Ngin athế lăm mung liăn vâ ‘no pêi chiâk deăng, pêi cheăng kâ, tơkéa vâ tối, vâ ai kơxo# liăn ngin athế lăm mung pá kong, la mơdrếo liăn tơkâ lối hên, ngin ôh tá bê liăn ngân vâ ‘no pêi cheăng kâ.

Pôa Rơchom Y Lê, Kăn pho\ hnê ngăn Vi [an cheăm Ea Hleo tối ăm ‘nâi: Lâp cheăm ai 13 rơpâu ha tơnêi pêi chiâk deăng. Hơnăm 2009 ai 2 rơpâu rơpo\ng hiăng châ vê hdró tơnêi vâ pơcháu ăm ph^u rak xúa tơnêi. La troh nôkố, tâi tâng tá hâi teăm châ kum. Pôa Rơ]om Y Lê tối ăm ‘nâi, ki xiâm dêi tơdroăng khoh chiâng hrá ga ai tiah kố: Tơdroăng tiô á ‘nâi, xua khu hnê tối pêi cheăng hrá. Xua tơnêi têa pin tá hâi teăm ai liăn vâ mơdrếo ăm khu ki hnê tối mê, tơkéa vâ tối kal vâ hên liăn ngân vâ kum ăm khu ki ngăn ‘na mâu hnê tối ‘na tơdroăng cheăng. Xua ti mê, khu ki hnê tối vâi hiăng châ ‘nâi nhên xiâm rêi ki vâ bro hlá ph^u rak xúa tơnêi, vâi ôh tá pơcháu ăm tơring vâ xing xoăng ăm tơná kuăn pơlê.

Kuăn pơlê a thôn 1, cheăm Ea Hleo hêng hôu xua tá hâi teăm châ xo ph^u rak xúa tơnêi

Tiô pôa Hà Hòang Quỳnh, Kăn pho\ pơkuâ ngăn ‘na têa tơnêi [ă hyôh kong prâi tơring Ea Hleo tối, ki xiâm khoh chiâng pro hrá tiah kố, cho xua: Khu ki lăm vê tơnêi cho Khu ki xup ngăn tơnêi tíu kơxo# 2, ối tung Khu kăn xiâm ngăn ‘na têa, tơnêi, hyôh kong prâi (cho mâu ngế ki hiăng châ Khu pơkuâ ngăn ‘na têa, tơnêi, hyoh kong prâi kong pơlê Dak Lak k^ tơkêa cheăng [ă hnối pro hlá ph^u rak xúa tơnêi ăm mâu cheăm dêi tơring Ea Hleo, klêi kơ’nâi vê hdró [ă chêh bro hồ sơ klêi mê vâi châ tíu ê. Xua tá hâi châ Khu pơkuâ ngăn ‘na têa, tơnêi, hyôh kong prâi kong pơlê Dak Lak mơdrếo tâi kơxo# liăn ăm tơring. Pôa Quỳnh tối ăm ‘nâi: Tâi tâng kơxo# hồ sơ ki mâu ngế hiăng hnê tối tá hâi teăm in bro ph^u rak xúa tơnêi vâ pơcháu ăm tơná tơring ga cho hên păng ‘nâng, {ơrô rak ngăn ‘na têa, tơnêi xuân hiăng ai tơpui tơno [ă pâ thế Khu pơkuâ ngăn ‘na têa, tơnêi, hyôh kong prâi, tâng mâu khu ki hnê tối dế kố ôh tá pro xếo mê athế pơcháu tâi tâng hồ sơ ki dế ối a khu hnê tối pơcháu ăm khu kăn tơring. Tơring kô tối tơbleăng kơxo# liăn ti lâi vâ xing xoăng tơ’mô kơxo# liăn dêi tơring. Xua ga, tâi tâng vâi hiăng chêh bro hồ sơ klêi mê, vâi in bro hnối k^ [ă pơcháu ăm tơná kuăn pơlê.

Drêng lâi ah lối 6 rơpâu rơpo\ng a tơring Ea Hleo nếo châ xúa ing hnoăng cheăng dêi tơnêi têa? Lơ vâi bu tơkôm to tơdroăng ki mung liăn pá kong, hnối athế  mơdrếo liăn tơkâ ki lối hên tiah mê lơ ti lâi?

Nhat Lisa tơplôu Gương pơchuât