VOV4.Sêdang - Ô vâi krâ nho\ng o [a\ pú hmâ! Pơtối tơbleăng tối mâu tơdroăng pơkâ dêi Luât on veăng-rơpo\ng hngêi hơnăm 2014, hâi kố, ngin kô tơbleăng tối mâu tơdroăng pơkâ tung luât on veăng rơpo\ng hngêi hơnăm 2014 ‘na tơru\m cheăng pêi pro pơla mâu ngế tung rơpo\ng hngêi.

Luât 103 dêi Luât on veăng-rơpo\ng hngêi hơnăm 2014 ai pơkâ hnoăng, tơdroăng cheăng athế pêi pro pơla mâu ngế tung rơpo\ng hngêi tiah tối a kơ’nâi kố:

-Mâu ngế tung rơpo\ng hngêi chiâng ai hnoăng, tơdroăng pêi pro, mê cho: Tí tăng tơmâng ngăn, to\ng kum, rak ngăn, to\ng veăng, nhuo#m pâ dêi pó. Hnoăng, ki poxúa tro luât ‘na mâu ngế tung rơpo\ng hngêi [ă kế tơmeăm dêi mâu ngế tung rơpo\ng hngêi ki hiăng châ pơkâ tiu tiah luât ki kố, Kơxop mơ-éa luât tơleăng kuăn pơlê xivil [ă luât ki ai tơdjâk pơrá châ luât tơnêi têa kring vế.

-Tâng tung pơla rêh ối tochum, mâu ngế tung rơpo\ng hngêi ai hnoăng cheăng, veăng pêi pro mâu tơdroăng cheăng dêi rơpo\ng hngêi, pêi cheăng kâ, pêi lo kế tơmeăm; veăng ‘no dêi ivá, liăn ngân, lơ kế tơmeăm ki ê vâ mơnhông tơdroăng rêh kâ ối tơdjuôm tung rơpo\ng hngêi, ngăn tiu kơ ivá tơná ai.

-Tơnêi têa ai troăng rơhlâ, to\ng kum tơ’lêi hlâu vâ mâu ngế tung rơpo\ng hngêi tí tăng tơmâng ngăn, to\ng kum, rak ngăn, to\ng veăng dêi pó pơtối rak vế [ă mơnhông túa tơlá ki le#m tro dêi rơpo\ng hngêi mơngế Việt Nam; mơhnhôk mâu ngế ki ê, khu pơkuâ cheăng tung pơlê pơla veăng pêi pro hnoăng cheăng rak vế, pơtối mơnhông túa tơlá ki le#m tro dêi rơpo\ng hngêi mơngế Việt Nam.

Luât 104 ai pơkâ hnoăng, tơdroăng athế pêi pro dêi nôu pâ, jâ pôa peăng pá nôu, peăng pá pâ [ă kuăn cháu:

-Jâ pôa peăng pá pâ, lơ peăng pá nôu ai hnoăng cheăng, tơdroăng pêi pro, mê cho păn roăng, rak ngăn, hnê tối kuăn cháu, rêh kâ ối athế djâ troăng ahdrối tung rêm tơdroăng [ă pêi pro mâu tơdroăng ki le#m tro ăm kuăn cháu; tâng cháu tá hâi teăm xông droh rơtăm, lơ cháu hiăng xông droh rơtăm la tuăn ngôa ôh tá tơleăng le#m, lơ ai ivá pêi cheăng la ôh tá hâi ai xêh kế tơmeăm vâ păn roăng, che#m mơ’rêh dêi châ la ôh tá ai ngế păn roăng tiu pơkâ a Luât 105 dêi Luât ki kố, mê jâ pôa peăng pá pâ, lơ peăng pá nôu ai hnoăng păn roăng, rak ngăn cháu.

-Cháu athế ai hơnoăng koh nhuo#m, păn roăng, che#m mơ’rêh jâ pôa peăng pá pâ, lơ jâ pôa peăng pá nôu; tâng jâ pôa peăng pá pâ, lơ peăng pá nôu ôh tá ai kuăn cháu vâ păn roăng, rak ngăn, cháu ki mê hiăng xông kân hdrah ah athế ai hnoăng păn roăng, rak ngăn dêi jâ pôa.

‘Na hnoăng, tơdroăng cheăng athế pêi pro dêi mơngế nâ, ngoh, o tung rơpo\ng hngêi, luât 105 ai pơkâ nhên:

-Nâ, ngoh, o chiâng phêp, ai hnoăng cheăng hơ-ui pâ, rak ngăn, to\ng veăng dêi pó; ai hnoăng, tơdroăng cheăng pêi tung păn roăng, rak vế dêi pó drêng pá ai nôu pâ, lơ nôu pâ xahpá, ôh tá ai păn roăng, rak ngăn, che#m mơ’rêh, hnê tối dêi kuăn ‘ne#ng.

Hnoăng, tơdroăng cheăng dêi mơngế xăng, miê, tăm, meh [ă muăn, cháu môi klêa kliâm, luât 106 ai pơkâ nhên tiah kố:

-Xăng, miê, tăm, meh xiâm [ă muăn, cháu môi klêa kliâm ai hnoăng ki hơ-ui pâ, rak ngăn, to\ng veăng dêi pó; ai hnoăng, tơdroăng cheăng păn roăng, rak ngăn muăn, cháu tung pơla vâi muăn, cháu ki mê ôh pá ai nôu pâ, [ă mâu ngế ki ê tiu Luât 104 [ă Luât 105 dêi Luât ki kố lơ ối la mâu ngế ki kố ôh tá ai ivá, lơ kế tơmeăm vâ păn roăng, rak ngăn.

‘’Luât xiâm [ă rêh kâ ối’’ troh akố hiăng tâi.

Nhat Lisa tơplôu Gương pơchuât