Kơtăn kố dâng 3 hơnăm, pêi pro troăng hơlâ mơjiâng pro kơchô dêi Vi [an hnê ngăn pơlê kong kơdrâm Plei Ku, la xua ôh tá ai tơnêi, mê Vi [an hnê ngăn bêng Chi Lăng krếo thế pơlê pơla hơ’lêh tơdroăng ki mơjiâng pro kơchô. Klêi kơ’nâi séa ngăn tơnêi tơníu [ă pơkâ mơ’no hên h^n troăng hơlâ kơjo kum hơ’lêh ki xiâm ‘na tơdroăng ki xúa tơnêi, mơjiâng khu mơdró kâ cho mâu ngế phá.

Vi [an hnê ngăn bêng Chi Lăng hiăng tơpui tơno châ [ă rơpo\ng pôa Hoàng Văn Trường, môi ngế kuăn pơlê a bêng kố mơhno\ng po xêh kơchô. Mơhé, tơnêi dêi rơpo\ng pôa ối hngế tung hơlâ troăng prôk ki ku\n, ai iâ kuăn mơngế rêh ối, iâ ngế prôk lăm, kơtăn ing troăng kân kơxo# 14 dâng 200 met.

Sap ing môi tơnêi pêi chiâk pêi deăng rơdâ 1 ha 3 sào tung thông, pôa Trường ‘no vâ chê 6 rơtal liăn ok tơnêi, pro tơbăng, mơjiâng pro klôh têa hiu, hbrâ mơdât on chếo, 22 to ki-ôt, lối 100 to kơbong tê kế tơmeăm [ă tiô troăng hngêi tơdrong ngăn chía le\m krip.

Sôk ro xua hiăng vâ ai kơchô tê mơdró tơku\m, ôh tá trâm xếo tơdroăng ki kong mê, kong tôu, pák^ng kơchô ai kơchô ku\n tê mơdró k^ng troăng, lối hr^ng ngế khu ki tê mơdró chêh inâi sap ing hâi kơchô châ pơxiâm mơjiâng pro. Laga, sap ing rôh kơchô mơjiâng pro klêi a khế 9 hơnăm 2015 troh nôkố, ôh tá hlo ai kơbố tung mâu ngế ki chêh inâi vâ mot tung kơchô tê mơdró.

Pôa Hoàng Văn Trường, ngế ki ‘no liăn mơjiâng pro kơchô tối tiah kố, xiâm kối cho xua rơtâ tá ai hên kơchô ku\n, kơchô tê mơdró pơtân:

‘’Má môi xua kố, cho kơchô ki nếo, má péa cho túa pơkâ mơjiâng pro gá hngế ing troăng. Hên khu ngế ki tê mơdró rơhêng vâ ‘no liăn tê mơdró kế tơmeăm a kơchô kố, la a troăng ai hên kơchô tê mơdrếo hlái, a mâu tíu pái hơlâ troăng, tíu ki lâi xuân ai rôh tê mơdró kơxo má, kơxê. Tiah mê, tiah lâi ngin khên ‘no liăn mot tê mơdró tung kơchô ki kố’’.

khu tê mơdró Chi Lăng ôh tá vâ mot tê mơdró tung kơchơ mê tê mơdró drô hâng lông troăng kân kơxo# 14

Tơ-ê [ă tơdroăng ki ôh tá ai mơngế dêi kơchô Chi Lăng, kơtăn mê dâng 1 km, a k^ng drô troăng kân kơxo# 14, hmâ a 3 chô kơxê, lối chât to kơbong tê mơdró kế tơmeăm, ngế roê, mâu ngế tê [ă ai tu\m túa kế tơmeăm ki kal roê xúa. Mâu ngế ki roê kế tơmeăm hmếo pơ tot dêi rơxế, hdi xo dâng 1/3 troăng pro tơdjâk troh tơdroăng ki prôk kơto rơxế a troăng ôh tá tơniăn.

Cho môi tung mâu ngế ki tê mơdró phá ki apoăng chêh inâi vâ mot tê tung kơchô Chi Lăng, laga nâ Nguyễn Thị Thơm xuân ối vâ dêi [ă tơdroăng tro kong mê, trâm kong tôu a k^ng troăng vâ tê mơdró dêi kế tơmeăm. Tiô nâ, tíu tê mơdró dêi kơchô ki nếo ôh tá tơ’lêi hlâu ăm tơdroăng ki tê mơdró tơmeăm.

Tiô nâ Thơm, kơchô po ăm kuăn pơlê 3 to cheăm, bêng la ối tung hngế dêi bêng Chi Lăng, kuăn pơlê 2 to cheăm ki u ối athế prôk hngế, troăng kơ’v^ng kơ’vo\ng, xua troăng kân kơxo# 14 ai mâu tíu athế prôk hngế lối 1 km nếo ai tíu tơvêh dêi rơxế.

Hluâ tâ mê nếo, kơchô kố, ối hngế tung troăng ki ku\n, iâ kuăn pơlê, mê kuăn pơlê tung cheăm xuân iâ prôk tơkâ hluâ. Cho ngế tê mơdró môi tiah nâ Thơm, pro tiah châ tê dêi mâu kế tơmeăm, mê troăng prôk tiah lâi, nâ ôh tá tơmâng troh:

‘’Mot tê tung kơchô hiăng châ tơdế khế la ôh tá ai kơbố mot roê, tê plâ hâi bu châ to lâi chât rơpâu liăn xo. Tối tơdjuôm, kơchô ki mê mơjiâng pro ôh tá tro [ă troăng prôk, mê nếo, gá hngế ing troăng, mê vâi ôh tá vâ mot roê tơmeăm. Mê a kố gá ôh tá tơdjâk klâi, xua troăng kân, k^ng troăng xuân rơdâ há, ôh tá ai tơdroăng klâi. A kố, tá xuân tá hâi ai rôh tơklo#m rơxế’’.

Kơchơ Chi Lăng châ mơjiâng pro tâi 6 rơtal liăn laga ôh tá ai mơngế tê rôe

Xua tíu mơjiâng pro kơchô ôh tá tơ’lêi hlâu, mê hiăng 2 hơnăm kố, mơhé pôa Hoàng Văn Trường, ngế ki ‘no liăn mơjiâng pro kơchô Chi Lăng, hiăng pơkâ mơ’no kơjo kum 1 hơnăm tê kế tơmeăm ôh tá xo liăn, la mâu khu tê mơdró xuân ôh tá vâ mot tê.

Kơchô Chi Lăng chúa lôi tê kơtê ôh tá tơviâh klâi xếo. Xua hdrối nah, a Gia Lai ối ai hên kơchô ki ê môi tiah Kơchô Hoa Lư, kơchô }ư\ Á [ă hên kơchô ki ê tro ‘mâi xe#n sap ing tíu ki tơ’lêi hlâu mot tung tíu ki troăng ku\n, tơpá [ă trâm tơdroăng ki ôh tá vâ hmâng, thăm nếo tơtrâ ó khât dêi khu tê mơdró.

Drêng troh rôh vâ pơxiâm po tê, mơdró tơmeăm, mâu kơchô kố xuân ôh tá hlo hên kơdrâm mơngế môi tiah hdrối. Xua, kơchô kố châ mơjiâng pro a tíu ki tá mâu ngế ki tê, xuân môi tiah mâu khu ngế ki roê hlo tơ’lêi hlâu, rế hía rế hên kơdrâm gá chiâng tơ’lêi hlâu. Mâu kơchô ki châ mơjiâng pro sap ing túa pơkâ ôh tá vâ hmâng, kô pro chiâng tơdroăng ki mơhrê liăn ngân tê kơtê, tơpá ‘na tơdroăng mơnhông mơdêk cheăng kâ a tơring, cheăm.

Nguyễn Thảo chêh

Katarina Nga tơplôu [ă tơbleăng