VOV4.Sêdang - Môi tơdroăng ki lu lêa nếo hlo a kong pơlê Gialai. Mâu ngế ki lu lêa kố mơhnhôk kuăn pơlê nâp liăn vâ châ liăn laih hên rêm khế, dó inâi ‘’hngêi arak liăn pơlê pơla Bitcoin’’. Tơdroăng ki lu lêa nếo, châ liăn laih hên hiăng pro ai hên kuăn pơlê loi tơngah nâp liăn châ chât rơtal liăn, klêi mê, khu ki lu lêa kố hiăng xo kơxo# liăn ki mê châ kơtâu hdâ ối u ê. Tơdroăng ki re\ng loi, hlo vâi tối châ liăn laih hên mê hâk vâ [a\ xua ôh tá hlê ple\ng hiăng pro hên ngế tro lu\p dêi liăn ngân, ôh tá ‘nâi pro ti lâi. Công Bắc, Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai [ai chêh tối ‘na tơdroăng mê:

          Ôh tá kâi kơ mơdât hiâm mơno rơhú ing mâu tơdroăng ki pơlông ai liăn laih ‘’hên’’ xua veăng tung tơdroăng ki hơ’lêh liăn ‘’Bitcoin’’, jâ Trương Thị Thanh, ối a cheăm An Phú, pơlê kong krâm An Khê hiăng mung lâp lu, tá tơdroăng ki mung mơdrếo laih hên, tơkuăm tâi tâng châ 120 rơtuh liăn vâ tơngah châ hơ’lêh dêi tơdroăng rêh ối. Tơdroăng ki loi, tơngah, rơhú châ liăn laih hên [ă ôh tá ‘nâi ple\ng hiăng pro jâ Thanh trâm hlo dêi tơdroăng. Mâu ngế ki hêak, pơloi hiăng xo kơxo# liăn mê kơtâu hdâ. Tíu ki hơ’lêh liăn ‘’Bitcoin’’ ki hdrối nah jâ kơnôm mâu ngế hêak, pơloi hơ’lêh liăn mê nôkố ôh tá po xếo. Tung pơla mê, kơxo# liăn che\n [ă liăn laih rế hía rế hên, ôh tá ‘nâi xo liăn ulâi vâ mơdrếo. Ôh tá ‘nâi ti lâi, jâ Thanh tăng troh tơdroăng ki vâ kơdê dêi tơná vâ châ hluăn ing tơdroăng ki che\n kố tiô túa ki kơ’no\ng klêh tung klôh têa, la mơhúa châ rơpo\ng hngêi to\ng xo. Troh nôkố, drêng tuăn hiâm hiăng tơmiât nhên, jâ Thanh pá hên vâ xếo tơdroăng mê: Liăn ngân pin ôh tá ai, châ 10 hâi mê athế mơdrếo liăn mung ki laih hên. Á tơmiât bu hlâ tê nếo châ hluăn ki tơdroăng ki che\n. Tơmiât tiah mê, á nếo kơ’no\ng tung klôh têa. Á xuân ôh tá ‘nâi môi tiah lâi, hlo vâi xah mê á xuân veăng xah tiah vâi há, mê á ôh tá ‘nâi kơmăi kơmok klâi ôh. Hlo châ liăn tơkâ hên mê á rơhú ‘nâng, tâng ‘nâi môi tiah kố á ôh tá la lâi khên pro.

          Rơtế tiah jâ Thanh, ai hên kuăn pơlê ki ê a pơlê kong krâm An Khê [ă mâu tơring ki achê, ối tung kong pơlê Gialai, xuân hiăng tro vâi hêak, hía tâi liăn drêng veăng xah túa ki tê mơdró liăn ki ôh tá ai khât kố [ă inâi ‘’hngêi rak liăn pơlê pơla Bitcoin’’, ối khe#n cho FXMT4. Vâ veăng xah ‘na liăn ki ôh tá ai khât kố, apoăng ngế ki xah athế ai dêi liăn phá ‘’Bitcoin’’ [ă athế roê iâ hlái 1 ‘’Bitcoin’’ tung kơtong sap ing mâu măng internet lơ roê dêi ngế ki ê. Kơnâ 1 ‘’Bitcoin’’ hơ’lêh tiô kơchô tê mơdró [ă nôkố ai yă dâng 13 rơtuh liăn. Drêng châ khu kơpêng tơbleăng ăm veăng xah, ngế ki xah mê kô châ hbru ăm 1 tài khoản tung trang măng ai inâi ‘’fxmt4.us’’ [ă pơtroh kơxo# liăn sap ing kơtong liăn ‘’bitcoin’’ tung mê vâ troh a ‘’tíu ki hơ’lêh’’.

          Vâ pơlông djâ mâu kuăn pơlê veăng pro, mâu ngế ki hêak mê pơkâ mơ’no kơlo ki liăn tơkâ bê tâk troh 144% rêm khế. Ôh ti xê to tiah mê, vâi ối pơkâ mơ’no kơlo liăn ki kum ăm rế hía rế tiô túa ki hên drêng ai roh mâu ngế ki mê veăng tơbleăng tơ’nôm ngế xah ki nếo. {ă túa ki pơlông kố, bu klêi iâ khế, troăng hơlâ ki hêak pơloi hên túa kố hiăng tơ’mot lối hr^ng ngế veăng pro. Drêng kơxo# ngế veăng hiăng hên ah, mâu ngế ki hêak mê hdâ lôi rơtế [ă tơdroăng ki hơ’lêh liăn. Ngế ki veăng, drêng hiăng hlo dêi tơná tro hêak pơloi mê hiăng ôh tá ‘nâi pro tiah lâi xếo. Pôa Nguyễn An Bình, ối a cheăm }ư\ An, tơring Đak Pơ, kong pơlê Gialai, tối: Veăng xah tung tơdroăng ki mê, ôh tá ‘nâi pin hôm châ xo dêi liăn há lơ ôh. Á ôh tá ‘nâi vâi cho kơbố, ôh tá ‘nâi ngế ki pơkuâ mê cho kơbố. {ă drêng pin veăng tung tơdroăng ki mê, vâi mơhno\ng vâ hêak mê gá lu\p hên khât yoh. Á xuân hnê tối mâu ngế ki dế ai tuăn tơmiât vâ veăng xah tung măng internet ki môi tiah mê athế pơtê tơdrêng hlối drêng tá hâi teăm tro vâi hêak, lu lêa.

Jâ Trương Thị Thanh tối ‘na tơdroăng tro mơngế ki ‘mêi lu lêa

          Tiô tơdroăng mơnhên ki apoăng [ă tá hâi teăm tu\m dêi Ko\ng an pơlê kong krâm An Khê, kong pơlê Gialai, ai dâng 1 rơpâu 900 ID tơkéa vâ tối 1 rơpâu 900 ‘’Bitcoin’’ veăng tung tơdroăng ki hơ’lêh liăn ki ôh tá ai khât ‘’hngêi rak liăn pơlê pơla Bitcoin’’. Tơdrêng amê, [ă mâu ngế ki lu lêa mê hiăng xo lối 22 rơtal liăn dêi kuăn pơlê tung kơpong kố. Tơdroăng ki rơhêng vâ tối tâ, tung kơxo# 300 ngế ki hiăng tro hêak pơloi mê, ai troh 1 kơpêng 3 tung kơxo# ki mê ôh tá ‘nâi hơ’lêh tơdrêng mê, athế kơnôm ngế ki ê lơ mâu ngế ki hêak pơloi mê châ pro. {ă tơdroăng ki hơ’lêh hên cho hơ’lêh tung măng internet mê hnoăng cheăng séa ngăn kố gá tơpá khât. Thie#u tă Nguyến Huy Hoàng, kăn pho\ Đo#i kăn Kăn sât séa ngăn tơdroăng xôi cheăng kâ, Ko\ng an pơlê kong krâm An Khê, kong pơlê Gialai, ăm ‘nâi: Tơdroăng ki hơ’lêh ki ôh tá ai khât kố mê nôkố, ngin tá hâi ‘nâi nhên kơmăi xiâm ngế ki pơkuâ mê ulâi [ă mâu ngế ki rak ngăn măng internet xuân ôh tá châ mơnhên a kong pơlê ki lâi lơ a tơnêi têa ki lâi. Mê drêng măng kố ôh tá hlo ai xếo kuăn pơlê ôh tá châ xo dêi liăn. Ing mê, Ko\ng an pơlê kong krâm tối tơbleăng ăm kuăn pơlê pôi tá veăng xah ‘no liăn ngân ăm tơdroăng ki kố xua tơdroăng kố gá kô trâm hên tơdroăng ki ôh tá tơniăn. Drêng hiăng hía liăn ah xuân ôh tá ‘nâi ngế ki lu lêa mê ulâi vâ kuăn pơlê châ pơsăm tối.

          Loi vâi khât, rơhú châ liăn tơkâ hên [ă ôh tá ‘nâi, hiăng pro lối hr^ng ngế kuăn pơlê a kong pơlê Gialai tro pơloăng [ă trâm tơdroăng ki ôh tá ‘nâi pro tiah lâi drêng veăng xah hêi tung tơdroăng ki hơ’lêh liăn ôh tá ai khât ‘’Bitcoin’’. Ko\ng an kong pơlê dế séa ngăn, la tơdroăng ki vâ pâ xo tơvêh liăn mơni kô ôh tá châ. Kố cho [ai hriâm ki kơnía khât [ă xuân cho tơdroăng ki tối tơbleăng ăm mâu kuăn pơlê ‘na mâu tơdroăng ki hêak pơloi nếo kố.

Katarina Nga tơplôu [ă tơbleăng