Ngế vế rơxế Phan Anh Khoa hiăng hên hơnăm vê rơxế chơ tơmối kơtâu ing Quảng Ngãi troh pơlê kong kơdrâm Plei Ku, kong pơlê Gia Lai tơkâ luâ troăng kân kơxo# 19. Mâu hâi achê pơla kố, drêng troăng kố châ ‘mâi rơnêu, ngoh Khoa kâi kơ tô tuăn,l hêng hôu xua tơdroăng pro mê gá tơvâ tơvân a mâu tơdroăng ki tơkêa ‘mâi rơnêu pro troăng. Gá ôh tá kum ăm tơdroăng prôk lăm châ tơ’lêi hlâu tâ, mê thăm rế pá, [ă hlo rơ-iô tâ:

‘’Ôh tá ‘nâi vâi pro troăng mê gá ti lâi la nôkố hlo a ‘ngêi, rơ-iô. A pâ mâu kơ koan, khu râ pơkuâ cheăng ‘mâi rơnêu troăng vâ tơ’lêi drêng prôk lăm, malối cho mâu ngế hiăng kân rôh apoăng tơkâ luâ troăng kố’’.

Tối ki nhên tâ ‘na rơ-iô dêi Troăng kân 19, ngế vê rơxế Lêng Anh Đạt, ối a pơlê kong kơdrâm Kon Tum, kong pơlê Kon Tum, ki hmâ vê rơxế chơ têa kơxăng tối, mâu troăng tối kơpêng mê klêi ‘mâi rơnêu hiăng hlo mâu tíu prêa, kơ hlong kơhlăng môi tiah kơlo kông.

Troăng kân kơxo# 19 Gia Lai

 Ti lâi lơ tối kơ lo kông, xua mâu tíu ki tơdjêp pơla mâu troăng nếo ‘mâi rơnêu pro [ă troăng ki ton gá lối a ‘ngêi, drêng rơxế tơkâ luâ pá ‘nâng prôk [ă hlối rơ-iô:

‘’Á dế vê rơxế kơtâu ôh tá têi môi tiah hmâ tê la drêng tơkâ luâ mâu tíu ki ‘mêi rơnêu pro gá tơtro môi tiah kơtâu drô kơlo kông rơ-iô ‘nâng. Hên drêng ‘nâ rơxế hon đa kơtâu hdrối, tâng pin ôh tá hmâ kơtâu a troăng kố, kơtâu a pơla troăng ki pro mê kơdrâ kâ kơhăm môi hdroh rơxế pin pá ro\ng tro rơ-iô păng ‘nâng’’. 

Tiô Khu ngăn troăng prôk kong pơlê Gia Lai tối, pơla troăng hlo ai mâu tíu kơhlong xo\n xap ing Km90 troh Km108 a troăng kân 19 pơla ki vâ tơkâ luâ tơring Đăk Pơ, cho tơdroăng tơkêa bro ‘mâi rơnêu pro troăng kân 19.

Nôkố tơdroăng tơkêa bro dế pơtê ‘mâi rơnêu pro, mâu tíu ki tơdjêp a pơla mâ troăng ton [ă ki nếo hâi châ pro le\m, pro chiâng ai tíu ki rơnâk sap ing 20-40cm. Mâu tíu ki ‘’prêa kơhlong kơhlăng‘’ a troăng kân kố, pro tơ’nhiê rơxế, pro chiâng rơ-iô, chiâng ôh tá tơniăn rơxế kơtâu drô troăng, malối a kơmăng drêng mâ ngăn ôh tá leăng le\m.

Tơdroăng tơkêa pro ‘mâi rơnêu troăng, ‘mêng troăng mơ’no têa, Tơniăn troăng prôk Km90- Km108, Troăng kân 19, kong pơlê Gia Lai châ Khu xiâm ngăn troăng prôk Việt Nam k^ khế 7/2018; troăng prôk xua Khu rak ngăn troăng kâ III pro xiâm pơkuâ ‘no liăn [ă châ tơleăng mơjiâng pro apoăng khế 11/2018.

Sap ing mơ’nui khế 12 hơnăm 2018, Khu ngăn troăng prôk Gia Lai hiăng ai hlá mơ-éa tơbleăng ăm Vi [an hnê ngăn kong pơlê xuân môi tiah pâ thế Khu rak ngăn troăng prô III tối mâu tơdroăng ki ối pá, tơvâ tơvân tung tơdroăng pêi pro tiô tơkêa bro ‘mâi rơnêu troăng kân 19, thế  ‘mâi rơnêu mâu tíu ki prêa tơ’nhiê, kơhlong kơhlăng châ kuăn pơlê tối cho ‘’troăng kân ki prêa tơ’nhiê’’. La troh nôkố, troăng ki hiăng tơ’nhiê mê hâi châ ‘mâi rơnêu./.

Công Bắc chêh

Gương tơplôu [ă tơbleăng