Troh nôkố nếo ai 1/3 kơxô̆ ƀăng deăng kố châ vêh pêt kong ƀă loăng kong, laga ôh tá châ tơƀrê hên. Sap 2017, pêi pro Pơkâ 1123 dêi Viƀan kong pơlê Gia Lai ‘na tơdroăng xo tơvêh tơnêi kong tro hdi xo vâ pơhlêh loăng pêt ki tơtro ƀă pơkâ xiâm ‘na kong ƀă pêt kong, 17 tơring, pơlê kong krâm, pơlê kong kơdrâm tung kong pơlê hiăng mơhnhôk vâ chê 20 rơpâu rơpŏng kuăn pơlê chêh tối tơbleăng ƀăng deăng chiâk deăng tung tơnêi kong, ƀă tâi tâng lối 37.000 ha. Troh nôkố hiăng ai lối 11.000 ha tơbêi xo tơvêh châ vêh pêt kong lơ loăng kong.

Mơhé mê, ki nhên khât a hene tíu, tơdroăng pêt kong rêh tá hâi châ tơƀrê hên xua loăng tá hâi tơtroƀă iâ châ rak ngăn. Xiâm kối ki ê pro tơdroăng pêi pro pơkâ châ tơƀrê tá hâi hên cho xua ƀăng deăng kong tro hdi xo ki hên cho xua kuăn pơlê hdroâng kuăn ngo ối tung rơpŏng pá puât hiăng pêt mơjiâng tơmeăm pêi lo ing chiâk deăng sap ing ton nah, drêng pơhlêh pêt kong mê kuăn pơlê pá puât tơniăn cheăng pêi. Rơtế ƀă mê, troăng hơlâ tŏng kum pêt kong ƀă troăng hơlâ châ pơxúa ing pêt kong iâ tâ xua mê tơdroăng xo tơvêh tơnêi kong tro hdi xo ƀă mơhnhôk kuăn pơlê pêt kong trâm hên pá puât ƀă hía hé...