Vi ƀan hnê ngăn kong pơlê Kon Tum nếo kĭ pơkâ Tơdroăng tơkêa tŏng kum bro hngêi ối ăm 876 rơpŏng kơtiê ƀă vâ chê kơtiê dế rêh ối a 3 tơring kơtiê dêi kong pơlê ƀă tâi tâng kơxô̆ liăn lối 32,6 rơtal liăn. Sap ing nôkố troh hơnăm 2025 kong pơlê Kon Tum kô tŏng kum 876 rơpŏng kơtiê ƀă vâ chê kơtiê (ki hên cho rơpŏng hdroâng kuăn ngo) bro hngêi ối. ‘Na kơlo tŏng kum, ƀă mâu ngế ki bro hngêi nếo châ kum 44 rơtuh liăn tung môi rơpŏng, tung mê ai 40 rơtuh liăn sap ing liăn ngân Tơnêi têa ƀă 4 rơtuh liăn sap ing ngâ râ tơring.

Mâu ngế ki ‘mâi rơnêu hngêi ối rêm rơpŏng châ kum 22 rơtuh liăn, tung mê liăn ngân Tơnêi têa 20 rơtuh ƀă liăn ngân râ tơring 2 rơtuh. Kong pơlê Kon Tum pơkâ tơdroăng troh tâi hơnăm 2025 kô pêi klêi tơdroăng tŏng kum hngêi ối ăm 876 rơpŏng kơtiê ƀă vâ chê kơtiê.

Krê tung hơnăm 2023 tiô tối hdrối kong pơlê kô pêi pro tŏng kum 530 rơpŏng kơtiê, vâ chê kơtiê bro hngêi ối, tung mê bro nếo 359 toăng ƀă rơnêu 171 toăng.