Pôa Đặng Hoàng Giang, Kăn pơkuâ djâ Khu râ kăn teăng mâ Việt Nam a Khu lâp kong têa hiăng ai roh pêi cheăng ƀă jâ Najat Maalla M’jid, Teăng mâ dêi Kăn xiâm chêh tôm xo rơkong Khu lâp kong têa ngăn ‘na hbrâ mơdât pâm xiăn vâi hdrêng vâ tơmâng tơdroăng châ tơƀrê roh lăm pôu pêi cheăng Việt Nam pơla kố nah dêi Kăn teăng mâ ki má môi. Tơdrêng amê, tơpui tơno mâu troăng thăm tơrŭm cheăng tung la ngiâ.

Jâ Najat Maalla M’jid tối môi tuăn ‘na tơdroăng châ tơƀrê dêi roh lăm pôu pêi cheăng, kheăn kơdeăn troăng hơlâ, luât, mơ-eăm ƀă châ tơƀrê dêi Việt Nam tung mơnhông mơdêk cheăng kâ – rêh ối pơlê pơla, pêi pro tiô mâu pơkâ mơnhông mơdêk krá tơniăn, kring vế ƀă rak ngăn vâi hdrêng, ki rơhêng vâ tối cho vâi hdrêng trâm tơdroăng rêh ối pá puât.

Pôa Đặng Hoàng Giang tối nhên Việt Nam đi đo nhuô̆m ƀă xo vâi hdrêng cho kơjo ƀă tíu xiâm tung rêm troăng hơlâ mơnhông mơdêk dêi tơnêi têa ƀă mơnhên kô pơtối tơrŭm cheăng, tơrŭm krá tơniăn ƀă Khu lâp kong têa tung kơvâ kố.