Tơdroăng mê cho môi tơdroăng pêi pro ai pơxúa kô mơhno ki tơmâng khât dêi Khu pơkuâ ngăn Mố đô̆i gak tơkăng kong dêi kong pơlê; râ ủy, mâu kăn, mâu kơvâ cheăng, khu grup kong pơlê ƀă mâu ai tuăn hơ-ui ƀă tơdroăng rak ngăn, hnê ăm vâi o, malôi mâu vâi o kŭn a kơpong xah hêi tíu tơkăng kong, sap ing mê ai tơ’nôm ivá vâ hriâm tâp, hriâm pât ƀă mơ-eăm chiâng mâu ngế ai hnoăng pơxúa ăm pơlê pơla.

A rôh pêi pro, Khu pơkuâ ngăn lêng Mố đô̆i ga tơkăng kong dêi khu pơlê Lâm Đồng, mâu kăn kong pơlê ƀă mâu ngế ai tuăn hơ ui hiăng veăng diâp ăm 450  kơxu tơmeăm kơnâ dâng 200 rơpâu liăn môi hmoăng.

-Khu râ a Dak Lak hiăng veăng mơhnhôk tăng kơxô̆ liăn vâ tơkŭm po tơdroăng phiu ro, diâp kơxuô tơmeăm ăm rơpâu ngế vâi hdrêng, vâi hdrêng chó chêng tơvê kŏng tung kong pơlê, kum mâu vâi o tâ tơdroăng ki phiu ro tung rơnó khế mơniâ. Ƀă dó inâi ‘’Idrâp rơkong tó – gum dêi pó tơdroăng tuăn pâ’’ xua lâm Trung câ̆p lĭ luâ̆n chĭn trĭ A55A, Hngêi trung Chĭnh trĭ tĭnh Dak Lak tơkŭm po, hiăng diâp 210 kơxuô tơmeăm ăm hok tro hngêi trung.

A cheăm Ea Mdroh, 300 kơxuô tơmeăm hiăng châ diâp ăm vâi hdrêng pơlê tiô tơdroăng On đĕng tơdrong bâ eăng tơdroăng pói vâ. Ƀă a ƀuôn Čư̆ Kŏ Êmông, Đoân droh rơtăm cheăm Dang Kang tơrŭm rơtế mâu kâu lăk ƀô̆ pleăng hnoăng cheăng tơkŭm po kơhnhon xuăng prếo, pế bŭn riêu, pôe xâk tê kơtê ƀă diâp ăm hmân ếo, tơmeăm xúa hriâm tâp, kơxuô kơƀăn trung thu ăm vâ chê 700 ngế vâi hdrêng dêi 2 pơlê Čư̆ Pâm ƀă Čư̆ Kŏ Êmông.

Mâu kơxuô tơmeăm kố hiăng kum vâi hdrêng pá puât, ai tơdroăng rêh ối pá khât a Dak Lak châ tâ tơdroăng tuăn pâ ƀă tŏng gum tung rơnó Trung thu hơnăm kố.