Nôkố tíu pêi cheăng dế rak ngăn păn roăng 350 ngế châ kơjo kum pơlê pơla mê cho mâu ngế hơnăm hiăng krâ, mâu ngế chó chêng, tơvê kŏng, plôm mâ ki râ ó, mâu ngế kôk, rơxok, vâi hdrêng kơtiê xơpá ó ƀă mâu ngế ki xo păn roăng akố.  

Tíu kố ối pro mâu tíu pơlât ối krê ƀă tơrêm ngế, môi tiah veăng mơdêk ivá, plông xâh ƀa long, plông peăng pĭng pŏng... hlối rak tơniăn mâu luât pơkâ kơjo kum pơlê pơla, ‘na pơkeăng khăm pơlât, hnê hriâm, tíu xah hêi.

Lăm pôu êng, hơlêm mâu ngế dế păn roăng a tíu mê, pôa Nguyễn Văn Nên khĕn kơdeăn ki mơ-eăm dêi mâu kăn ƀô̆, mâu ngế pêi cheăng tung tơdroăng tơmâng tŏng gum rêh ối tơmeăm khoăng, tuăn tơmiât ăm mâu ngế ki châ kơjo kum pơlê pơla. Pôa xuân tơmâng xo tơdroăng pâ thế dêi mâu tíu pêi cheăng, pâ thế mâu kăn kong pơlê tơmâng tơleăng mơnhên mâu tơdroăng ki cho hnoăng cheăng pêi tơná, vâ pêi tơƀrê dêi Tíu rak ngăn, veăng ‘no hnoăng pêi tro tâ tung tơdroăng rak ngăn rêh ối tuăn ngôa ăm mâu ngế ki rế rak ngăn, păn roăng a tíu kố.