Pôa Lê Văn Bình, Kăn pho\ pơkuâ ngăn ‘na pêi cheăng kâ, {ơrô dêi Kuo#k ho#i tối ăm ‘nâi, mơnhông mơdêk GDP ing pêi chiâk, pêi deăng, pêt kong, păn tơnăng ká xing xo\ng tung hơnăm hiăng luâ hiăng rế chu kơdroh. Hơnăm 2014, tâk châ 4%, la kơdroh pơtối tung 2 hơnăm 2015 [ă hơnăm 2016, tơkéa tơdâng 2,6% [ă 1,3%.

‘’Kơvâ ‘na chiâk deăng pá vâ khoh châ mơnhông tơtêk môi tiah mâu hơnăm hiăng luâ, xua tơnêi tơníu ki vâ po rơdâ ăm mâu hdrê loăng pêt ôh pá ai, la pin xuân ối ai troăng hơlâ ki pro ti lâi ăm plâi, pôm, tơmeăm pêi lo chiâng dâi le\m. Akố, tâng ôh tá kơdo mơ-eăm pêi pro kơhnâ khât ‘na khoa hok, cheăng kơmăi kơmok, hdrê pêt, túa pêi pêt, rak ngăn, ‘na tơru\m cheăng kâ mê mơni ối pơtối châ mơnhông tơtêk hên, kum ăm kơvâ pêi chiâk deăng thăm pêi lo hên kế tơmeăm ki dâi le\m’’.

Pak^ng tah lôi mâu tơdroăng ki tá hâi tơniăn ‘na xing xoăng tơnêi tơníu, kơxo# liăn mung ki châ kơjo kum liăn tơkâ, mơhnhôk khu mơdró kâ veăng ‘no liăn pêi cheăng kâ, tơdroăng ki kal má môi ki kơvâ ngăn ‘na pêi chiâk deăng kal athế pêi pro tung la ngiâ, mê cho mơnhên kơchơ kal vâ tăng rôe tơmeăm ki lâi, [ă kal athế mơjiâng tơmeăm ki lâi ki kơnâ liăn, kố cho 2 tơdroăng ki kal má môi dế nôkố. Pôa Nguyễn Xuân Dương, Kăn pho\ ngăn ‘na păn mơnăn mơnoa, cheăng tung Khu xiâm ngăn ‘na chiâk deăng [ă mơnhông mơdêk thôn pơlê ai tối, tung la ngiâ kố ah, ai hên h^n tơdroăng tơkêa bro kô pơkâ ‘na túa tê mơdró kâ kô tơru\m cheăng pơla péa pâ, pêi pro hên túa cheăng ki châ pơxúa, kế tơmeăm pêi lo ing chiâk deăng kô athế tơbriât tê mơdró dêi pó ó khât [ă mâu tơmeăm khoăng ki rôe xo ing kong têa ê, ing mê, khoh tơdjâk troh tơdroăng ki kơnâ dêi tơmeăm pêt [ă kơlo ki vâ mơnhông pêi lo hên kế tơmeăm.

‘’Ôh tá chiâng tối lối git luâ râ ‘na ki kơnâ dêi kơvâ chiâk deăng tiô tơdroăng ki ai tơnêi tơníu kân rơdâ, plâi kơtốu, ki kal akố pin kal athế mơdêk ki kơnâ tung mơjiâng tơmeăm khoăng pêi lo ing chiâk deăng. Tâng ôh, pin hmôu pá thế mơhnhôk po rơdâ tơnêi tơníu, kho\m châ plâi kơtốu, mê ga ai tơdjâk troh tơdroăng ki tăng hên mơngế pêi cheăng, kơ’nâi mê ah kô trâm tro tơdroăng ôh tá tơniăn. Ôh tá eâ kal ai hên tiah mê, ki kal uâ mơdiê, mơjiâng tơmeăm mê kal athế châ yă kơnâ, ing mê, kuăn pơlê ki pêi chiâk deăng xuân chía tơ’lêi hlâu iâ. Pin rế uâ mơdiê, rế mơjiâng [ă rế tê mơdró dêi tơmeăm pêt’’.

Pôa Nguyễn Đỗ Anh Tuấn, Kăn pơkuâ Vie#n ngăn ‘na troăng hơlâ [ă túa mơdêk chiâk deăng, thôn pơlê dêi tơnêi têa tối ăm ‘nâi, kơvâ ngăn ‘na chiâk deăng kal athế hơ’lêh ‘na túa tơmiât tung pêi chiâk pêi deăng, [ă kal athế kơhnâ khât tung hơ’lêh túa cheăng vâ mơnhông ki dâi le\m [ă ki kơnía git dêi tơmeăm khoăng [ă hía hế. Ki rơhêng vâ tối, thăm mơnhông mâu túa cheăng pêi pro châ tơ-[rê tung mâu khế hơnăm la ngiâ, môi tiah: rêm pơlê mơjiâng môi tơmeăm khoăng, xúa mâu kơmăi kơmok, rơxế tung pêi chiâk deăng, ai túa hnê cheăng pêi pơla khu mơdró kâ [ă kuăn pơlê.

‘’Kal athế séa mơnhên ngăn túa cheăng, troăng hơlâ ‘na pêi chiâk pêi deăng sap nah troh nôkố, môi tiah: hơ’lêh tơnêi pêt báu, ‘mâi pêt tơmó kơphế mê nếo ăm mung châ 700 rơtal liăn, tung pơla mê, hlá mơ-éa ki pơkâ dêi Tơnêi têa pơcháu ăm hngêi rak liăn kum ăm ‘na pêi chiâk pêi deăng ai 12 rơpâu rơtal liăn, Tơdroăng pơkâ 68, Tơdroăng pơkâ 210 ‘na tơ’mot liăn kum ăm ‘na pêi chiâk pêi deăng ối hrá. ‘Na ăm mung liăn ngân, ‘na khoa hok, cheăng kơmăi kơmok kal thăm mơnhông [ă kal athế tơru\m krá kâk ‘na tơdroăng cheăng tơchuôm tơnêi têa [ă tơdroăng cheăng phá dêi kuăn pơlê. Athế mơhno tối nhên tíu ki tơtro tung xúa tơdroăng ki rơkê vâ kum ăm khu mơdró kâ rơtế ‘no pêi, tâng hmôu pá lôi Vie#n hriăn ple\ng cheăng môi tiah dế kố, pá vâ châ tơ-[rê tung tơru\m cheăng kâ châ tơtêk’’.

A hneăng hôp mơ’no tơdrêng tung um tivi mơgêi kơvâ ‘na chiâk deăng hơnăm 2016 [ă pơkâ ‘na tơdroăng cheăng hơnăm 2017. Pôa Nguyễn Xuân Phúc, Ngế pro xiâm hnê ngăn tơnêi têa ai tối pơchân, kơvâ pêi chiâk deăng kal athế to\ng kum ngăn khât ‘na mơnhông mơdêk kế tơmeăm ki dâi le\m. Kơvâ ngăn ‘na chiâk deăng đi đo ai tơdjâk ing hyôh kong prâi, tơdroăng tơru\m cheăng lâp plâi tơnêi trâu rơdâ, pơkâ ‘na ‘no tê kế tơmeăm. Xua ti mê, kal athế mơjiâng kơvâ chiâk deăng athế rơkê, xúa khoa hok cheăng kơmăi kơmok ki dâi le\m, mơjiâng tơmeăm ki dâi há, kum mơdêk tơdroăng rêh kâ ối kuăn pơlê, malối a kơpong hơngế hơngo, kơpong xơpá. Tơdroăng ki kơnâ dêi kế tơmeăm pêi chiâk deăng ối hên, kal athế ai troăng hơlâ, túa pêi cheăng, troăng ki tơ’ló vâ mơnhông kơvâ chiâk deăng châ tơtêk rế ó.

            Minh Long chêh

Nhat Lisa tơplôu [ă tơbleăng