VOV4.Sêdang - Rêm hdroh troh rơnó têt, hên kuăn pơlê vâ tăng rôe kế kâ [ă rơtế amê cho tơdroăng ki tô tuăn ‘na kế kâ. A Dak Lak, pơla mơ’nui hơnăm, mâu kơ koan khu râ pơkuâ cheăng đi đo châ hlo mâu rơxế ki chơ kế kâ ôh tá krúa, ôh tá ‘nâi xiâm ulâi mot tê a kong pơlê. Khu râ pơkuâ cheăng dế hnê pêi mâu tơdroăng vâ mơdât, [ă mâu ki pế pơchên kế kâ thế ‘nâi rah xeh mâu kế kâ ki tiah lâi tung pơla kố.

Tung mâu hâi mơ’nui hơnăm 2015, kơ koan khu râ pơkuâ cheăng kong pơlê Dak Lak châ hlo [ă rup mâu rơxế ki chơ hơ’nêh mâm ro, chu ki u\m dế pơto drô troăng vâ ‘mot tê tung kong pơlê pro hên mơngế ki rôa kâ chiâng tô tuăn. Rah rôe kế kâ a mâu siêu th^ lơ kơchô kân lơ a mâu tíu tê mơdró ki vâi ôu-eăng [ă kơdroh lơ tro kâ mâu kế kâ ki pro ‘măn lôi cho túa ki jâ Trần Thị Bích Thuý, ối a troăng Lê Hồng Phông, pơlê kong kơdrâm Buôn Ma Thuột, kong pơlê Dak Lak hbrâ ví ‘na tơdroăng kế kâ ki ôh tá krúa: Nôkố kế kâ hên lối râ, pro ăm á chiâng tô tuăn, ôh tá hmiân xâo tơná lơ tro rôe kế kâ ôh tá krúa chiâng tơdjâk ‘mêi troh ivá mê nôkố á lăm rôe a mâu ki vâi ô eăng mơni yă tê kơnâ tâ iâ la tơniăn ‘na ivá tâ, lơ mâu kế kâ ki vâi ai tơmeăm tê pin hiăng hmâ rôe kâ hên xôh hlo ôh tá tro klâi mê lăm rôe, ôh tá xê môi xôh mê thế hên xôh klêi tí tăng ‘nâi ple\ng klêi mê nếo khên kâ.

Dế păn che#m kuăn ối tơx^n tung pơla pơtâp kâ kế, nâ Hồ Thị Bé, ối a tơring C|ư Kuin, kong pơlê Dak Lak tơtro\ng khât tung todroăng rah xo mâu kế kâ ki vâ ăm dêi rơpo\ng hngêi kâ. Nâ Bé ăm ‘nâi, drêng rah rôe mâu kế kâ a kơchô ki hmâ rôe, ki hdrối cho rôe mâu kế tơmeăm ki ‘nâi xiâm rêi:  Apoăng ‘na mâu tơmeăm, klêi mê troh te\m tem [ă ngăn chêh hâi khế mơjiâng pro [ă ki hiăng tâi hâi chiâng rôe kâ mê nếo rôe. Ki hdrối ngăn a xiâm ki mơjiâng pro tâng hlo kế kâ ki mê ối le\m kơhiâm mê a nếo rôe.

Tâng tối hên mâu kơchâi plâi pôm ai hên to pơkeăng, hơ’nêh chu ai trếo ki pro piê, trếo ki pro ăm chu ai hơ’nêh, í cho túa í ki rôe ki vâi tê tơkâ hluâ tơkăng kong [ă xâu lơ tro pơreăng ki kố ki mê ing tơdroăng kâ hơ’nêh mâm ki ôh tá krúa, ôh ta xê to nâ Bé, [ă jâ Thuý mê tâi tâng mâu ki rôe xúa kế kâ a Dak Lak nôkố xuân ôh tá hmiân rôe kâ mâu kế kâ ki tê pá gong kơchô, mê hên kuăn pơlê lăm tăng rôe xêh mâu kế kâ ki krúa vâ ăm dêi rơpo\ng hngêi kâ.

Tơdroăng ‘na pêi krúa kế kâ đi đo cho ki tô tuăn dêi rêm ngế ôh tá xê to rôh têtlo hơnăm nếo môi tiah dế kố. Malối cho hdrối tơdroăng châ ‘nâi rơxế chơ kế kâ ôh tá krúa hriăn tăng troăng vâ ‘mot tê a kong pơlê Dak Lak pro mơngế ki rôe kâ a Dak Lak chiâng tô tuăn ‘na kế kâ ki tê nôkố. Xua mê, Khu ngăn ‘na pêi krúa kế kâ, Khu ngăn pơkeăng [ă khăm pơlât Dak Lak hiăng mơdêk hnoăng cheăng krá khât, séa ngăn kế kâ pêi hôm krúa le\m, pak^ng mê hnối hnê tối ăm kuăn pơlê. Ngế chêh hlá tơbeăng ‘na tơdroăng kố ai tơpui tơno [ă {ok thái pơkeăng Trần Văn Tiết, kăn pho\ pơkuâ ngăn ‘na rak vế krúa le\m kế kâ kong pơlê Dak Lak tối ‘na tơdroăng kố:

Êng: Ô [ok thái pơkeăng Trần Văn Tiết, tung rôh têt lo hơnămnếo, mơngế vâ rôe kế kâ tâk hên, xua mê tơdroăng cheăng pêi krúa kế kâ rế châ tơmâng khât. Peăng Khu ngăn ‘na rak krúa kế kâ kong pơlê kô hnê pêi mâu tơdroăng cheăng séa ngăn môi tiah lâi?

Tiâ: Troh nôkố Khu ngăn ‘na rak krúa kế kâ hiăng mơjiâng tơdroăng pơkâ [ă pơtroh ăm Vi[an kong pơlê pơkâ vâ mơjiâng 3 khu kăn séa ngăn dêi rêm kơvâ cheăng séa ngăn tung rôh Têt hơnăm nếo. Mê ai 1 khu xua Khu ngăn ‘na pơkeăng [ă khăm pơlât, 1 khu xua Khu ngăn ‘na tê mơdró [ă 1 khu xua Khu ngăn ‘na pêt loăng kong păn rơnăng ká kơxo\ng pro xiâm pơkuâ djâ khu kăn séa ngăn hôm pêi krúa kế kâ, klêi mê, séa ngăn sap nôkố ta troh têt lo hơnăm nếo.

Êng: Achê kố, mâu khu râ pơkuâ cheăng kong pơlê Dak Lak đi đo châ hlo mâu rơxế chơ kế kâ ki ôh tá krúa ‘mot tê. Pak^ng rôh séa ngăn ‘na tê mơdró Khu kố ối tơru\m [ă mâu kơvâ cheăng tơdjâk troh môi tiah lâi vâ tơdroăng cheăng châ lăm séa ngăn rêm hâi, vâ châ mơdât mâu kế kâ ki ôh tá krúa?

Tiâ: {ă mâu kế kâ môi tiah hơ’nêh kơpôu ro chu í pêap ôh tá krúa, khu râ pơkuâ cheăng séa ngăn cho dêi khu ngăn ‘na chiâk deăng. La peăng kơvâ ngăn pơkeăng xuân môi tiah mâu khu râ kơvâ cheăng ai tơdjâk troh xuân thế thăm séa ngăn, lăm ngăn a kơpong kố hnối tơru\m [ă dêi pó. Môi tiah tung rôh kố nah mâu kơvâ cheăng châ hlo rơxế chơ 2 ta#n kế kâ ki ‘mêi ôh tá krúa, Khu rak ngăn tê mơdró xuân tơru\m [ă khu pêi krúa kế kâ hiăng teăm châ hlo [ă prâu tah tâi mâu kế kâ ki ôh tá krúa mê.

            Êng: {ok thái pơkeăng ai hnê tối  klâi ăm mâu ngế ki rôe xúa tung tơdroăng rah xo kế kâ tối tơchuâm [ă tung rôh têt achê kố tối phá xêh?

          Tiâ: Vâ tơniăn krúa kế kâ, hnê tối ăm kuăn pơlê rôe mâu kế kâ a tíu ki vâi ô eăng, tê tơmeăm krúa le\m châ mâu khu râ pơkuâ cheăng ăm hlá mơ-éa phêp mơnhên pêi krúa kế kâ, lơ mâu siêu th^, ki hên a mâu tíu ki kố châ kơ koan khu râ pơkuâ cheăng mơdêk hnoăng cheăng séa ngăn vâ ‘nâi kế kâ mê hôm krúa le\m lơ ôh. Tâng rôe a mâu tíu ki ê, kuăn pơlê thế tơtro\ng ngăn kế kâ mê hôm krúa, xuân môi tiah mâu kế kâ ki tâ kơxuô lôi, ngăn hôm te\m tem chêh tro tiô tơdroăng pơkâ lơ kế kâ mê xuân ối le\m, ối ton hâi chiâng xúa mê nếo chiâng rôe kế kâ ki mê. Pôi tá rôe mâu kế kâ ki hiăng tâi hâi khế ah chiâng tơdjâk pro ‘mêi ivá’’.

Hôm mơnê [ok thái pơkeăng ‘na tơdroăng tơpui tơno kố!

Gương tơplôu [a\ tơbleăng