VOV4.Sêdang - Tung rôh hôp má 10 Kuo#k ho#i hneăng má 13, mâu kăn hiăng veăng tơpui tối ‘na mâu tơdroăng ki xiâm ối tơpui phá tơ-ê dêi pó ‘na kơxop hlá mơéa Luât pêi pro tiô tuăn kuăn pơlê vâ. Tiô rơkong tơpui tối dêi mâu kăn Kuo#k ho#i [ă khu ki rơkê ple\ng ‘na luât, kố cho kơxop hlá mơéa Luât ki kal tung pêi pro tơdroăng rêh ối tơniăn phá nôkố xuân môi tiah vâ hơ’lêh tơdroăng ki xiâm ‘na pêi pro hnoăng rêh ối dêi kuăn mơngế châ pơkâ tung Luât hơnăm 2013, xua mê,  kal pơkâ nhên mâu tơdroăng ki vâ pêi pro tiô tuăn hiâm kuăn pơlê pói vâ xuân môi tiah tơdroăng ki chêh pro hlá mơéa tiô tuăn hiâm kuăn pơlê pói vâ, pâ thế. Hâi kố, ngin ai tối tơdroăng cheăng kố dêi Kuo#k ho#i.                

Veăng tơpui tối, ‘mâi rơnêu kơxop mơ-éa luât ki tiô hiâm mơno kuăn pơlê pói vâ, ai hên mâu kuăn pơlê tối tiah kố, hiâm mơno kơhlik kuăn pơlê, loi tơngah kuăn pơlê châ tơbâ tối tung plâ mơjiâng luât ki kố. Mâu tơdroăng ki hiăng mơ’no, tơpui tối mâu pêi pro tiô hiâm mơno kuăn pơlê pói vâ cho mâu hnoăng cheăng ki kân ai tơdjâk troh rêh kâ ối, cheăng kâ dêi kuăn pơlê, [ă mâu tơdroăng ki kong pơlê pói vâ, mê athế pơcháu ăm tơná kong pơlê, pơlê kong kân ki mê pơkâ mơ’no [ă pêi pro dêi xêh. Mâu kăn xuân tối, kal athế chêh tối i nhên tâ ăm mâu tơdroăng ki tơpui vâ pêi pro tiô hiâm mơno kuăn pơlê pói vâ, pơtih mâu tơdroăng ki ai tơdjâk troh rêh ối, cheăng kâ dêi kuăn pơlê, hnoăng cheăng ki kal kân dêi tơnêi têa, mâu tơdroăng pơkâ ơjiâng luât ki kal, tơkêa bro ‘na cheăng kâ, rêh ối pơlê pơla ki ai tơdjâk troh ‘na tơdroăng gak kring, rak vế tơniăn pơlê pơla, tơnêi têa; mâu tơdroăng ki tơtro [ă Kơxop mơ-éa Luât la ai tơdjâk troh ki pơxúa ăm kuăn pơlê [ă kal pơxúa ki kân [ă ton xo\n troh la ngiâ ah. Pak^ng mê, xuân kal ai pơkâ nhên kơ koan ki lâi cho ki xiâm chiâng ai hnoăng pâ thế tơmâng rơkong pói vâ dêi kuăn pơlê. Pôa Phạm Tất Thắng, Kăn Kuo#k ho#i kong pơlê Vĩnh Long tối ăm ‘nâi: Kố xuân cho luât ki châ kuăn pơlê kal rơhêng vâ ‘nâi ple\ng [ă troh a chôu phut kố tơdroăng ki mơ’no luât cho kal khât păng ‘nâng. Á vâ môi tuăn [ă mâu kơ koan ki tối vâ mơ’no tung kơxop hlá mơ-éa ki chiâng ai hnoăng pâ thế tơmâng rơkong pói vâ pâ thế dêi kuăn pơlê, mê cho mâu kơ koan ki chiâng teăng mâ ăm kuăn pơlê, ai hnoăng cheăng pro mơjiâng luât tiah mê cho tơtro păng ‘nâng.

Tiô mâu kăn tối, ki mơnhên mâu tơdroăng ki lâi kal vâ mơ’no tung roh tơpui tơmâng rơkong pói vâ pâ thế dêi kuăn pơlê, cho séa ngăn ing tơdroăng ki ai khât păng ‘nâng, ngăn kơ tơdroăng, roh ki ai tung rêm rơxông. Xua ti mê, khoh chiâng tối, Luât bú kal pơkâ tơchuâm, tiô túa ki kal pơrâng athế pêi pro, la rơkong tơpui mơ’no ăm roh ki tơno [ă kuăn pơlê pói vâ tâng châ lối tơdế kơxo# kuăn pơlê pói vâ mê kô châ chêh tối tung hlá mơ-éa, tơbleăng vâ ăm kuăn pơlê rak vế, pêi pro. Pôa Nguyễn Văn Quyền, Kăn hnê ngăn ‘na Luât Việt Nam, ngế cheăng tung Khu rah chêh ‘na Luât tối ăm ‘nâi: Hdrối mê hía nah, pin lăm tâ ph^u rah xo khu kăn ga hiăng hên ‘nâng, ti lâi tơdroăng ki po troăng hơlâ rêh ối, cheăng kâ vâ ăm kuăn pơlê châ tơmâng tiô hiâm mơno tơná kuăn pơlê pói vâ, la ôh tá ăm kuăn pơlê châ tơmâng, châ ‘nâi, tơdroăng kố ôh ti tro. Xua mê, tiô á, tâng hiăng ai lối rơdế kơxo# kuăn pơlê ki veăng tâ ph^u vâ mê tơdroăng ki tơpui tơno mâu tơdroăng kuăn pơlê pói vâ mê kô tro, [ă mâu tơdroăng tơpui tơno mê kô chiâng xêt khât, xua hiăng ai lối tơdế kơxo# kuăn pơlê vâ môi tuăn, tơdroăng tơpui tơno mê hiăng tro tiô hiâm mơno kuăn pơlê pói vâ.

Pêi pro tiô hiâm mơno kuăn pơlê pói vâ pâ thế cho pêi pro tiô hiâm mơno dêi hên ngế kuăn pơlê hiăng vâ păng ‘nâng, tơ’ló khât, [ă túa cheăng ki kố kô thăm rế tơtro tâ tâng pơchông ngăn [ă hiâm mơno pói vâ dêi kuăn pơlê a rơxông nếo nôkố. Kố xuân cho tơdroăng cheăng ki tơtro, tơxâng [ă hiâm mơno pói vâ dêi kuăn pơlê a rơxông nếo, tung pơla tơnêi têa pin tơru\m tơrôa pêi cheăng kâ [ă hên kong têa ê tung lâp plâi tơnêi [ă hên troăng hơlâ ki tơru\m cheăng kân trâu rơdâ ki ê. Ki tơ-[rê dêi tơdroăng tơpui mơ’no tiô rơkong kuăn pơlê pói vâ, châ mơhno tối hiâm mơno pói vâ păng ‘nâng dêi kuăn pơlê. Laga, tơdroăng ki tâ ph^u rah xo hiâm mơno pói vâ dêi kuăn pơlê ôh tá xê môi tiah tâ ph^u rah xo kăn lơ môi tiah khu kăn Kuo#k ho#i tiê a kơmăi ‘na mâu kơxop mơ-éa luât, [ă xuân ôh tá xê môi tiah tơmâng môi pâ to rơkong kuăn pơlê pói vâ tê. Pôa Trần Ngọc Vinh, Kăn Kuo#k ho#i pơlê kong kân Hải Phòng tối tiah kố: Rêm hnoăng cheăng athế ai pơkâ i nhên, mâu tơdroăng ki lâi châ pêi pro tiô hiâm mơno kuăn pơlê pói vâ [ă tơdroăng ki lâi tung rơxông nếo nốkố dêi Việt Nam ôh tá po hneăng tơmâng rơkong kuăn pơlê pói vâ, ga phá tơ-ê [ă bu tơmâng to rơkong kuăn pơlê tối môi pâ xo. Tơdroăng ki mơ’no tiô hiâm mơno kuăn pơlê pói vâ cho hnoăng cheăng ki pêi pro tung lâp tơnêi têa, la tơmâng xo rơkong tơpui, mê bu cho to tơdroăng ki ai tung kơpong tê, tung kong pơlê, pơlê kong kân tê. Athế ‘nâi nhên tơdroăng ki xo rơkong pói vâ dêi kuăn pơlê cho hnoăng cheăng kal kân dêi tơnêi têa.

Ai hên mâu kăn ki ê tối tiah kố, kố cho Kơxop mơ-éa Luât ki kal [ă pá ó khât, mê kal athế pơkâ pêi pro i krâu, i nhên păng ‘nâng, athế rak vế hnoăng ki pói vâ dêi kuăn pơlê hiăng tơche\ng tơmiêt.

Nhat Lisa tơplôu [a\ tơbleăng