Hlo kong kế rế vâ hía tâi, tơring Tu Mrông, kong pơlê Kon Tum hiăng hbrâ pêi hên troăng hơlâ pơcháu tơnêi, pơcháu kong, tơru\m [ă tơdroăng rak ngăn kong kring vế kuăn pơlê. A cheăm Đăk Hà, riên sap ing 19 ha kong a kơpong kong 266 châ Vi [an hnê ngăn tơring Tu Mrông pơcháu ăm vâi krâ-nho\ng o a pơlê Kon Tun rak ngăn, kring vế kong ki tro ko ‘nhiê vâ mơdât.

Kơpong kong dế nôkố môi tiah xôu toi hiâm ki krúa le\m dêi pơlê vâ rak ngăn kong ki châ pơcháu vâi krâ nho\ng o tung pơlê x^ng xoăng ăm mâu khu rơpo\ng hơ’lêh dêi pó ăm séa ngăn, gak vế.

Ngoh A Mao, Kăn pơkuâ ngăn thôn ăm ‘nâi: 

‘’Kuăn pơlê ki rak ngăn kong, mơdât tơnêi tơhnah tơhnâp, kơdroh têa lân lu, tô mơdrăng khăng khoăng, rak kơnho\ng têa, rak hyôh kong prâi kong kế. Vâi krâ nho\ng o tung thôn pêi pro tơdroăng ki pơxúa dêi tơnêi têa hiăng pơcháu tơnêi, pơcháu kong ăm kuăn pơlê. Tâng ngế ki lâi pro xôi tung kuăn pơlê, kong ki mâu rơpo\ng rak ngăn thế pơxâu, thế tối tơbleăng ăm khu rak ngăn kong dêi Vi [an’’.

Sap ing hiăng hlê ki pơxúa dêi kong [ă ki pơxúa ing tơdroăng rak ngăn kong, kuăn pơlê dêi pơlê Kon Tun ngế ki lâi xuân hlo hnoăng cheăng pêi dêi tơná. Kuăn pơlê hnê tối ăm dêi pó pôi tá ko ‘nhê loăng, pôi tá muih kong pêi chiâk.

Ngoh A But, tối:

‘’Á cho ngế rak ngăn mê kong đi đo lăm tung kong, môi măng t^ng lăm ngăn môi hdroh, ngăn hôm ai ngế ki ko ‘nhiê kong vâ tối tơbleăng ăm kuăn pơlê thôn Kon Tun ‘nâi, tí tăng ‘nâi ple\ng vâ ‘nâi ‘na tơdroăng rak ngăn kong hôm khât lơ ôh ‘’.

Tơdroăng pơcháu tơnêi, pơcháu kong tơru\m [ă pơcháu hnoăng rak ngăn kong ăm tơrêm ngế, rêm rơpo\ng [ă kuăn pơlê tung thôn, pơlê ki dế pơtối rak vế ki pơxúa dêi tơdroăng cheăng rak ngăn kong. Tơdroăng kố ôh tá xê to kum rak ngăn kong, pêt mơjiâng kong rế kân ai loăng hding tât khía tô dêi kong mê ối hơ’lêh tuăn mơno kuăn pơlê hlê ple\ng ‘na tơdroăng ngăn kong, rak hyôh kong prâi tơniăn.

Pôa A Việt, Kăn pho\ hnê ngăn Vi [an cheăm Đăk Hà, tơring Tu Mrông ăm  tối:

‘’Ai troăng hơlâ kơjo kum ăm tơnêi, pơcháu ăm vâi krâ nho\ng o rak ngăn kong, vâi krâ nho\ng o sôk ro. Châ Đảng, tơnêi têa tơmâng pro tơ’lêi hlâu ăm kuăn pơlê châ xúa ing tơdroăng rak ngăn kong [ă châ xúa kơxo# liăn ing hnoăng mơhá rak ngăn kong. Xuân púi vâ Đảng, tơnêi têa pro tơ’lêi hlâu tâ nếo ‘na kơxo# liăn kơjo kum ăm kuăn pơlê, vâ pro tơ’lêi hlâu ăm kuăn pơlê rak ngăn kong krâu khât tâ nếo’’.

Troh nôkố, tơring Tu Mrông, kong pơlê Kon Tum hiăng pơcháu lối 11 rơpâu ha kong ăm 729 rơpo\ng dêi 8 to cheăm tung 11 to cheăm rak ngăn. Mâu tíu pêi cheăng rak ngăn kong xuân hiăng pơcháu rak ngăn ăm 56 khu thôn pơlê rak ngăn vâ chê 18 rơpâu 500 ha kong.

Vâ pơchông [ă hơnăm 2015, kong ki rak ngăn châ pơcháu ăm kuăn pơlê rak ngăn hên. Tơdroăng kố ăm hlo ki mơ-eăm dêi tơring tung mơdêk ki tơ-[rê hnoăng cheăng rak ngăn kong.

Pôa Vương Văn Mười, kăn pho\ hnê ngăn Vi [an tơring Tu Mrông, ăm ‘nâi:

‘’Nôkố, Vi [an hnê ngăn tơring dế hnê mơhno ăm mâu ki pơkuâ rak ngăn kong xuân môi tiah Vi [an mâu cheăm pơcháu tơnêi, pơcháu kong ăm mâu rơpo\ng rak ngăn.

‘Na ki tơ-[rê dêi tơnêi pơcháu kong ăm mâu rơpo\ng rak ngăn cho mâu rơpo\ng ki hmâ [ă kong, pêt loăng pá kơdâm kong xuân môi tiah ki pơxúa ki mâu loăng pơkeăng ki pêt pá kơdâm kong.

Mê gá rơtế [ă tơdroăng rêh ối dêi kuăn pơlê mê kuăn pơlê thế ai hnoăng cheăng rak ngăn kong krâu khât tâ tâng vâ pơchông [ă pơcháu tơnêi, pơcháu kong ăm mâu khu tơru\m cheăng’’.

Tơdroăng ki ăm hlo nhên tung rak ngăn kong a tơring Tu Mrông, mê cho ing tơdroăng mơhá liăn ăm hnoăng rak ngăn kong xuân môi tiah mâu tơdroăng ki dế pro pơxúa hên hơ’lêh ki hlê ple\ng xuân môi tiah tơdroăng pêi pro dêi kuăn pơlê [ă tơdroăng rak ngăn [ă pêt mơjiâng kong.

Gương tơplôu [ă tơbleăng