VOV4.Sêdang - Hâi lơ 2/5, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa hiăng tơdah kơ pôa Jorge Luis Perdomo Di-Lella, Ngế xiâm ngăn ‘na tơdroăng nếo ai ki dế lăm pôu a tơnêi têa Việt Nam. Ngế pro xiâm hnê ngăn hâk nâ sôk suâ xua tơdroăng tơru\m cheăng hên túa pơla péa pâ tơnêi têa, tung mê, ai ‘na kơvâ ngăn ‘na hyôh internet.

Ngế pro xiâm hnê ngăn xuân ai tối [ă Chin phuh, kuăn pơlê Cuba tung pơla dế trâm pá puât xua ai tơdjâk ‘na cheăng kâ tung kơpong, la xuân kơdo mơ-eăm mơjiâng [ă mơnhông tơnêi têa, mơdêk mơjiâng pro tơniăn mâu tơmeăm khoăng ai tơdjâk dêi ko\ng nge# tho\ng tin. Chin phuh Việt Nam hbrâ vâ kum ăm peăng Cuba mơjiâng tíu xiâm séa ngăn ‘na kring vế hyôh internet.

Ngế pro xiâm hnê ngăn pâ thế Khu xiâm ngăn ‘na tơdroăng nếo ai kong têa Cuba to\ng kum ăm mâu khu mơdró kâ ki kân ‘na ko\ng nge# tho\ng tin dêi Việt Nam veăng tơru\m pêi cheăng, mơdró kâ a Cuba, xua kố cho mâu khu mơdró kâ ki rơkê hlê ple\ng râ lâp plâi tơnêi, hloh hlê tơdroăng nếo [ă ai liăn, kơmăi ko\ng nge# [ă kuăn mơngế, [ă malối cho tíu ki loi tơngah khât tung mơdró kâ.

Nhat Lisa tơplôu [ă tơbleăng