VOV4.Sêdang - Ngế pro xiâm hnê ngăn Chin phuh nếo kum ăm Vi[an kong pơlê Kon Tum xua 123 rơtal 330 rơtuh liăn vâ mơhá ăm khu rak ngăn kong sap hơnăm 2011, hơnăm 2013, la hâi ai ngế ki mơnâ vâ rak ngăn [ă pơtối vâ pêt kong.

Tiô tơdroăng hnê mơhno dêi Ngế pro xiâm hnê ngăn Chin phuh, tơdroăng xúa kơxo# liăn môi tiah kơ’nâi kố:

Ki má môi: -To\ng kum tơ’nôm mâu tơdroăng ‘na rak ngăn hyôh kong prâi tiô yă mơhá ăm ngế rak ngăn kong iâ (pá xôp 200 rơpâu liăn môi hectar tung môi hơnăm) vâ ai tiô tơdroăng pơkâ ki iâ 200 rơpâu liăn tung môi hectar tung môi hơnăm, kơlo to\ng kum tơ’nôm môi tiah kố xua Vi[an kong pơlê Kon Tum pơkâ; tung pơla to\ng kum sap hơnăm 2015 drêng ai tơdroăng pơkâ nếo dêi Chin phuh xêt khât.

Ki má péa: -To\ng kum ‘no liăn pêi cheăng ăm kuăn pơlê tung thôn, pơla achê lơ tung mâu kơpong pơlê kong kân vâ pêi pro tơdroăng rak ngăn tiô pơkâ kơxo# 24/2012/QĐ-TTg hâi lơ 1 khế 6 hơnăm 2020; khế hơnăm to\ng kum troh a hơnăm 2016 ah.

Ki má pái: -To\ng kum Vi[an hnê ngăn mâu cheăm, pơlê kân vâ pro mâu tơdroăng lăm ngăn kong, hnê tơ’nôm ăm mâu ki châ mơhnhôk rak ngăn kong vâ kâi mơdât khu ki ko ‘nhiê kong [ă tơpâ on chếo kong. Kơlo to\ng kum xua Vi[an hnê ngăn kong pơlê  Kon Tum pơkâ tiô hnoăng pơkuâ [ă tơdroăng pơkâ nôkố, tung pơla pêi pro tơdroăng pơkâ ta troh hnăm 2016.

Ki má pu\n: -To\ng kum kơxo# liăn vâ ‘no liăn mơjiâng pro kơnâng [ă mâu tíu kring vế, hbrâ mơdât on chếo kong dâng 500 ha kong loăng rơnâng a kơpong kong kân Đak Ui; tung pơla pro 2 hơnăm sap hơnăm 2015-2016; Vi[an hnê ngăn kong pơlê Dak Nông mơjiâng troăng hơlâ pơkâ kâng kơnâng [ă mâu tơmeăm khoăng rak vế 500 ha kong loăng rơnâng nếo tối kơpêng mê, môi tuăn [ă Khu xiâm ngăn ‘na chiâk deăng [ă mơnhông mơdêk thôn pơlê k^ tiô tơdroăng pơkâ.

Ki má pơtăm: -Ăm tơ’nôm liăn pêt kong hơ’lêh pơcháu xúa rak ngăn kong chiâng tơdroăng pêi ki ê, tiô tơdroăng pơkâ dêi luât rak ngăn [ă monhông mơdêk pêt kong [ă mâu tơdroăng pơkâ hơ’lêh xúa rak ngăn kong hdrối hơnăm 2015 ai liăn ‘no ing hngêi rak liăn ngân tơnêi têa, la liăn ngân tơnêi têa ôh tá x^ng xoăng liăn vâ ‘no pêi pêt rak ngăn; khế hơnăm pêi tơdroăng kố sap hơnăm 2015-2018 (pêt a hơnăm 2015 [ă răk ngăn 03 hơnăm pơtối).

Ki má tơdrốu: Kơxo# liăn ki u ối (tâng ai) kơ’nâi xêo kơxo# liăn to\ng kum mâu tơdroăng ki nếo tối mê châ hbrâ ‘măn vâ mơhá ăm mâu kăn pơkuâ kong tung tơdroăng rak ngăn kong tá liăn xo ing tơdroăng mơhá rak ngăn kong kế kơdroh tung mâu hơnăm kơ’nâi.

Tung pơla ‘no liăn cheăng, tâng lơ nếo ai liăn laih pơtroh ăm hngêi rak liăn, mê kơxo# liăn laih ki châ xúa vâ to\ng kum .

Gương tơplôu [ă pơchuât