Châ tối tơbleăng a 3 kong pơlê Kontum, Lào Cai [ă Thừa Thiên Huế, Tơdroăng tơkêa bro mơdêk pêi pro troăng hơlâ ‘no mơhá ăm tơdroăng ki rak ngăn kong a Việt Nam ai mâu tơdroăng pơkâ, mê cho mơdêk xúa WebGis vâ to\ng kum ăm tơdroăng ki ‘no mơhá liăn ăm tơdroăng ki rak ngăn kong. Pôa Hồ Thanh Hoàng, kăn pơkuâ Khu rak liăn kum Rak ngăn [ă Pêt mơjiâng kong dêi kong pơlê Kontum ăm ‘nâi: Veăng tung tơdroăng tơkêa kố, tung vâ chê 1 hơnăm hiăng hluâ, Khu ki ‘no liăn hiăng tơru\m [ă tơdroăng ki tiâ mơnhên Tơnêi têa mơ-eăm pêi klêi tơdroăng tơkêa [ă pêi pro mâu rôh ki pơxiâm ki kal vâ xúa tung kong pơlê:

Ối môi tơdroăng nếo mê Khu xiâm ngăn chiâk deăng [ă mơnhông mơdêk cheăng kâ rêh ối thôn pơlê pơkâ mâu tơdroăng ‘na xo tơvêh mê pin kô pơxiâm xúa tung kong pơlê. Vâ xo ah hmôi, rêm tơdroăng cheăng châ pêi pro tơ’lêi hlâu, tro túa pơkâ, Khu rak liăn ngăn [ă pêt mơjiâng kong dêi kong pơlê Kontum hiăng pơkâ thế Khu xiâm pêt kong, Khu rak liăn tơdroăng ki mơhá rak ngăn [ă pêt mơjiâng kong Việt Nam xuân môi tiah Khu ki rak ngăn Ipfes Tơnêi têa tơku\m po lâm hnê hriâm [ă rơhêng vâ tiah kố, tơdroăng ki mơnúa ngăn tiô troăng ki nếo kố pin kô xúa lâp lu tung kong pơlê.

Rơtế [ă môi rôh po lâm hnê hriâm ki hdrối mê hiăng châ tơku\m po a Hà Nội, tung pơla 2 hâi mơ’nui khế 10 kố nah, a pơlê kong kơdrâm Kontum, Khu rak liăn mơhá ăm tơdroăng rak ngăn [ă Pêt mơjiâng kong dêi kong pơlê Kontum tơru\m [ă Tơdroăng tơkêa ‘’Mơdêk pêi pro troăng hơlâ ‘no mơhá liăn ăm tơdroăng rak ngăn kong a Việt Nam’’ xua Hngêi rak liăn mơnhông mơdêk châu Á - ADB to\ng kum hiăng tơku\m po lâm ‘’Hnê hriâm tíu xúa trang WebGis tung hnoăng cheăng mơnúa ngăn ‘na tơdroăng ki mơhá liăn ăm khu ki rak ngăn kong’’. Tie#n sih Triệu Văn Hùng, kăn hnê ngăn Khoa hok Kih thua#t pêt kong Việt Nam, kăn pho\ to\ng kum tơdroăng Tơkêa Mơdêk pêi pro troăng hơlâ ‘no mơhá ăm khu ki rak ngăn kong a Việt Nam tối tiah kố, kong pơlê Kontum ai hên tơdroăng ki tơ’lêi hlâu drêng pêi pro xo tơvêh kong tiô túa ki nếo:

Kontum ai môi tơdroăng ki tơ’lêi hlâu mê cho troh hơnăm 2015 hiăng ai tơdroăng ki riân tơku\m kong lâp tơnêi. Cho môi tung mâu kong pơlê ki apoăng ai kơxo# ki apoăng ‘na riân tơku\m kong châ tối tơbleăng tơ’nôm [ă mâu tơdroăng tơ’lêi hlâu ki ê ‘na kih thua#t mê tơdroăng tơkêa kố hiăng pơxiâm pro tíu ki mơnúa a kong pơlê. {ă kố cho kong pơlê ki apoăng hriăn ngăn xúa tiô tơdroăng pơkâ riân tơku\m kong [ă kong nge# séa ngăn vâ kum ăm tơdroăng ki ‘no mơhá liăn ăm khu ki rak ngăn kong

Vâ pro tơdroăng ki môi tuăn tung pêi pro tơdroăng ki xúa troăng WebGis tung hnoăng cheăng ki ‘no mơhá liăn ăm khu rak ngăn kong, a rôh po lâm hnê hriâm rôh má 2 châ tơku\m po a pơlê kong kơdrâm Kontum, mâu kăn [o#, mâu ngế pêi cheăng dế pêi cheăng a 10 tíu ki rak ngăn loăng pơlái, Khu xiâm rak ngăn loăng pơlái, Khu ngăn ‘na pêi chiâk deăng [ă mơnhông mơdêk thôn pơlê, Khu tơlo liăn, Rak ngăn [ă Pêt mơjiâng kong dêi kong pơlê Kontum châ tơbleăng ‘na troăng WebGis tơku\m [ă mâu hlá mơéa tối tơbleăng ‘na kong Pormis II [ă trang Web ki chêh ‘măn ‘na tơdroăng ki rak ngăn kong, châ hnê mơhno xúa phần mềm tối tơbleăng tung Gis trực tuyến – WebGis [ă hnê hriâm xúa kơmăi riân kum tơdroăng ki séa ngăn, ‘na ki ôh tơniăn dêi kong. Pôa Nguyễn Thanh Hoàn, ngế ki hmâ tiâ mơnhên ‘na Gis ăm ‘nâi, xúa WebGis tung hnoăng cheăng xo tơvêh ‘no mơhá liăn ăm khu ki rak ngăn kô pơkâ tơleăng mâu tơdroăng ki tá hâi pêi pro klêi tơdroăng ki xo tơvêh tiô hlá mơéa pơkâ 20 dêi Khu xiâm ngăn chiâk deăng [ă mơnhông mơdêk thôn pơlê, mê cho ôh tá châ séa ngăn hlá mơéa chêh ‘măn:

Tâng po ngăn tiô túa ki ton, tơkéa vâ tối cho xúa mâu túa ki ton vâ ‘no mơhá ăm tơdroăng ki rak ngăn kong mê hlá mơ-éa ki chêh tơbleăng rế hía rế ôh tá tơtro [ă hlá mơéa chêh ‘măn ‘na ki ôh tá tơniăn dêi khu rak ngăn kong. Tiah mê, ôh tá ‘nâi tơdroăng klâi tung tơdroăng tơdjuôm tung kơvâ rak ngăn loăng pơlái kô ai péa tơdroăng ki môi tiah dêi rơpó rơtế ối hlo a tơdroăng ki phá tơ-ê. Trang WebGis kố cho hnoăng cheăng tơdjêp pơla tíu ki tơbleăng ôh tá tơniăn dêi kong peăng pá khu ki rak ngăn loăng, mot tung môi tíu chêh ‘măn ‘na tơdroăng ki ‘no mơhá liăn ăm khu ki rak ngăn kong Đại học Lâm nghiệp vâ riân chêh pro hlá mơ-éa ki ‘no mơhá ăm khu ki rak ngăn kong. Tiah mê, tíu ki ‘măn hlá mơéa kô môi tiah môi tơdroăng. Kô pro tơ’lêi hlâu ăm hên tơdroăng cheăng, ivá cheăng dêi tơdroăng chêh pro, tơku\m mâu hlá mơ-éa chêh sap ing mâu kong pơlê pơtroh ăm

Rơtế [ă tơdroăng ki hbrâ tơnáu ‘na mâu tơdroăng ki kal dêi Khu rak liăn Rak ngăn [ă Pêt mơjiâng kong dêi kong pơlê Kontum, tâng tung hơnăm kố, Khu xiâm ngăn chiâk deăng [ă mơnhông mơdêk cheăng kâ rêh ối thôn pơlê pơkâ ‘na túa ki xúa trang WebGis tung hnoăng cheăng ‘no mơhá liăn ăm khu ki rak ngăn kong, Kontum kô cho kong pơlê ki apoăng hriăn ngăn, xúa mâu tơdroăng ki riân, tơku\m kong, [ă kông nghe# séa ngăn vâ kum ăm tơdroăng ki ‘no mơhá liăn ăm khu ki rak ngăn kong.

Katarina Nga tơplôu [ă tơbleăng