Tơdrong tơchơ̆t ou đei Hơnih vei lăng kon pơlei dêh char Dak Lăk tơlĕch ăn vă atŏk kơtang tơdrong gĭt kăl hơnăn, vei lăng tơdrong ‘lơ̆ng hơ iă kơ rim pang ƀơm truh. Tơdrong tơchơ̆t ou jing hơyak kăl hloh lơ̆m tơ iung pơjing hơnăn chehphe Buôn Ma Thuột ưh khan lơ̆m tĕch mơdro lơ̆m teh đak mă lei oei tơ̆ teh đak đe hai. Tơdrong tơchơ̆t sơkơ̆t hơdăh găh tơdrong tơchơ̆t pơm tơlĕch, tăh ‘nŭng păng vei lăng chehphe adoi nhen tơpu hơnăn tơmam drăm tơƀô̆h tơbăt hơnăn Buôn Ma Thuột.  Lăp dôm tơmam drăm Robusta đei pơtăm, phĕ păng ot lơ̆m tơring ou đei sơkơ̆t hơdăh akhan găh pơlei tơm Buôn Ma Thuột păng rim tơring tơjê̆ kơ Dak Lăk, trŏ lăp hăm tơdrong ‘lơ̆ng, mă đei ăn asong pơm hơnăn hơnih ou. Rim hơnih jang, rim bơngai gơ̆h iŏk hơnăn ou mă lei ăp apĭnh ‘mơ̆i păng pơm kiơ̆ tơdrong hơlen kơjăp kơtang lơ̆m tơdrong jang chehphe truh pơm tơlĕch ‘lơ̆ng liĕm.