Hơdrô̆ hơnih mong jên Vei lăng năng tông hơ ioh Việt Nam hlôi tơgŭm ăn 17.800 ‘nu hơ ioh tơnap tap hloh hăm kon jên hloh 20 ti hlak jên. ‘Nau kơtơ̆ng ang đei Hơnih tơm vei lăng Tơdrong jang-Bơngai rơka păng Tơpôl tơbăt tơ̆ Hop akŏm pơtôch Khei iung jang kơ yuơ hơ ioh sơnăm 2023.

Tơdrong au đei pơgơ̆r lơ̆m pơgê năr 10/7, tơ̆ Hơnih ming hơmet jo jăn Thụy An, tơring Thụy An, apŭng Ba Vì, Hà Nội. Khei iung jang kơ yuơ hơ ioh sơnăm au đei tơlĕch jang hăm hơnăn “Vang pơm dă ƀiơ̆ đei tơdrong răm hăm hơ ioh”. Tơ̆ jơ pơm lêh hop akŏm pơtôch, Kơ iĕng Kơdră chĕp pơgơ̆r Hơnih tơm vei lăng Tơdrong jang-Bơngai rơka păng Tơpôl yă Nguyễn Thị Hà hlôi pôk ăn 100 tơnô̆ tơmam drăm păng năm tơmang lăng hơnih ming hơmet, hơnih pơtho tơdrong jang, hơnih sŏng sa, hơnih oei sa kơ hơ ioh tơ̆ Hơnih ming hơmet jo jăn Thụy An, tơ̆ tơring Thụy An, apŭng Ba Vì, Hà Nội.