Sơnăm 2024, Hơnih bơ̆ jang teh đak găh bơngai Việt Nam oei tơ̆ teh đak đe iung jang hơdoi hăm Hơnih vei lăng kon pơlei kơ pơlei tơm Hồ Chí Minh pơgơ̆r “Puih mak pơlei pơla” hăm vang năm đơ̆ng dang 3.000 ‘nu tơmoi.

Tơdrong pơgơ̆r au đei pơgơ̆r đơ̆ng năr 1/2 truh năr 2/2/2024 ( ‘noh jĭ năr 22 păng năr 23 Khei Dŏng kap sơnăm Quý Mão) hăm lơ tơdrong pơgơ̆r ‘lơ̆ng hơ iă. Lơ̆m tơdrong pơgơ̆r “Puih mak pơlei pơla” sơnăm 2024, Kơdră chĕp pơgơ̆r Teh đak Võ Văn Thưởng hăm hơkăn ƀok chĕp pơgơ̆r minh ƀar tơdrong pơgơ̆r ‘lơ̆ng hơ iă atŭm hăm kon pơlei oei tơ̆ teh đak đe lơ tơring lơ̆m teh đak. Mă kăl, Hơnih vei lăng kon pơlei kơ pơlei tơm Hồ Chí Minh pơm tơm pơgơ̆r tơƀơ̆p muh măt dang 1.000 ‘nu kon pơlei oei tơ̆ teh đak đe “Puih mak Giáp Thìn 2024”, apĭnh jet gia, hmach Têt ăn kon pơlei, chơt hơ iă Puih mak akŏm dih băl păng Têt khul; đơ̆ng noh tơroi tơbăt ăn kon pơlei oei tơ̆ teh đak đe dôm tơdrong iŏk đei jơnei atŏk tơ iung kơ pơlei tơm Hồ Chí Minh lơm prăt 35 sơnăm tơplih ‘nao păng atŏk tơ iung.