Ƀar păh hlôi pơma dơnuh tôm tơdrong vă jang tih, băt hơdăh dôm trong vă hơtŏk loi dơ̆ng jang hơdai păng hơtŏk tơdrong pơvei tơ̆ hơnăp kơnh. 2 păh hlôi drơ̆ng nơ̆r kăl kơ hơnơ̆ng pơvei pơma dơnuh khŭl kơdră, tŭn pran jang hơdai lơ̆m rim tơdrong jang mŭk drăm, pơtho pơhrăm, khoa hŏk - kơmăy kơmŏk, bơngai jang, joh ayŏ- tơplŏng kơdâu - tơmang lăng păng tơƀơ̆p pơma dơnuh đơ̆ng kon pơlei.

Kơdră teh đak Lương Cường roi tơbăt: 2 păh hlôi băt hơdăh tơdrong tơm hơtŏk ‘lơ̆ng đei yua jang hơdai tơmơ̆t jên jang păng jên tĕch mơdro 2 păh, bơ̆jang kiơ̆ tôm dôm tơdrong drơ̆ng nơ̆r 2 teh đak hlôi kĭ dăh mă vang jang, mă loi ‘noh jĭ tơ gĕch iok yua tôch ai rim tơdrong hiôk đơ̆ng Tơdrong tơchơ̆t mơdro sa hiôk hian Việt Nam – EU(EVFTA); hơtŏk hơnăp jang đơ̆ng rim trong jang hơdai, lơ̆m noh đei Anih jang 2 Khŭl kơdră teh đak găh jang hơdai mŭk drăm păng khoa hŏk - ki thuơ̆t. Hơdai hăm ‘noh, 2 păh drơ̆ng nơ̆r pơih ăn dôm tơdrong jang hơdai ‘nao mă Bulgaria đei tơmam pran păng Việt Nam đei ‘meh vă nhen tơplih kơsô̆, kơmăy kơmŏk sinh học lơ̆m choh jang sa păng jang pơgang....