165 tak phâm ƀăo chĭ đei pơtruh pơlong mă hơtuch Tơdrong pơlong ƀăo chĭ Jơ̆p teh đak ‘măng mă 18 sơnăm 2023
Thứ bảy, 10:14, 01/06/2024
Lan chih tơblơ̆
Lan chih tơblơ̆
VOV4.Bahnar - 165 tak phâm ƀăo chĭ hơgei hloh đei rơih pơlong mă hơtuch” jing tơdrong kơtơ̆ng ang đei tơbang tơ̆ Lêh pơtơm ‘Măng pơlong mă hơtuch Tơdrong pơlong ƀăo chĭ teh đak ‘măng mă 18 sơnăm 2023 kơyuơ Jơnŭm chih ƀăo Việt Nam pơgơ̆r ah pơgê năr 31/5 tơ̆ Hà Nội.
Kiơ̆ Phŏ Kơdră Juăt jang kơ Jơnŭm Bơngai jang ƀăo Việt Nam ƀok Nguyễn Đức Lợi, Tơdrong pơlong ƀăo chĭ jơ̆p Teh đak sơnăm 2023 pơtoi tơlĕch châ̆m trư̆k tuyê̆n kiơ̆ phân mêm châ̆m pơlong kơ Jơnŭm Bơngai jang ƀăo Việt Nam hăm dôm tak phâm điê̆n tưh, rapor pơre nơ̆r, pơdah tivi, atŭm hăm noh tơdrong châ̆m kơtă dôm tak phâm ƀăo in, ƀăo rŭp.
Lơ̆m kơsô̆ 1 rơbâu 827 tak phâm lơ̆m 11 tơdrong Hơpah, Jơnŭm châ̆m hơlen hlôi drơ̆ng nơ̆r rơih đei 165 tak phâm tơmơ̆t pơlong mă hơtuch. ‘Nâu jing dôm tak phâm hơgei hloh gah tơdrong chih păng tơdrong tơbang, tơroi pơkăl gah dôm tơdrong kăp gĭt kơ teh đak, vei sơđơ̆ng đon tơchĕng chĭnh trĭ, tơdrong sơkơ̆t jang, tơdrong tơpăt tơrĕk truh tơpôl păng pran kơtang.
Viết bình luận