Kiơ̆ kơ 'noh, ƀok Shantanu Chakraborty gô pơgơ̆r dôm tơdrong jang kơ ADB tơ̆ Việt Nam, tang măt ăn anih mong jên lơ̆m pơma gah trong tơchơ̆t jang păng hơtŏk hloh dơ̆ng tơdrong jang tơbôl kơ anih mong jên hăm jơnŭm pơgơ̆r teh đak vang jang. Ƀok gô hơlen tơdrong tơlĕch jang hadoi hăm teh đak Việt Nam đơ̆ng sơnăm 2023-2026, akŏm lơ̆m tơdrong tơplih jang kơ Việt Nam jing trong jang mŭk drăm jơk hlăng 'lơ̆ng, iŏk yua dôm mŭk drăm hlôi đei kơ tơdrong jang tơ-'ngla vă hơtŏk pơyua hơtŏ lơ̆m tơpôl.

Ƀok Shantanu Chakraborty, bơngai Ấn Độ, pơm jang jê̆ 28 sơnăm gah tơdrong jang âu tơ̆ tơring Nam Ă, Trung păng Tây Ă adoi nhen tơ̆ Hoa Kỳ, lơ̆m noh đei 18 sơnăm pơm jang tơ̆ ADB. Ƀok hlôi jang kơdră tơgŭm pơm jang ăn Phŏ kơdră (juăt jang găh tơ-'ngla pơm tơm păng chă tơgŭm ăn tơdrong jang kăl) păng Bơngai juăt jang gah asong jang jên hu hơgei hloh.