Kiơ̆ kơ noh, Jơnŭm pơgơ̆r tang găn păng tơjră tŏ ‘mi kial pơrăm, chơ chă tơgŭm dŏng sar bar păng hơmŏ ăn tơdrong hơrih kon pơlei dêh char Kon Tum pơkăl rim tơring, anih jang dah hơlen dôm anih dơnơm mă hiơ̆r hăm tơdrong răm gah đak hơbông lơ̆p, teh hơlih; hơlen tơdrong akŏm hơmet tôm tơdrong, tơmam drăm kiơ̆ pơkăp “4 tơ̆ tơring” kơchăng tơjră hăm ‘mi kial đak hơbông pơrăm.

Atŭm hăm tơlĕch chă hơlen tang găn păng tơjră tŏ ‘mi kial pơrăm păng chơ chă tơgŭm dŏng sar bar, jơnŭm pơgơ̆r tơring tơ̆ dêh char Kon Tum adoi keh đang, asong bơngai jang vă tang găn păng tơjră tŏ ‘mi kial pơrăm, kơchăng akŏm tơlĕch trong jang chă tơgŭm dŏng sar bar lơ̆m tơring.