Vang năm akŏm tơ̆ Gala đei 10 ‘nu tang măt ăn 30 anih jang, tơ-‘ngla bơngai jang hơgei lơ̆m Tơdrong pơlong “Kơyuơ bơngai hin dơnuh  – Ưh đei prơih bơngai yơ tơ̆ rŏng” jăl sơnăm 2021 - 2023, hăm dôm tơdrong tơroi ƀrơ̆k kơ jơhngơ̆m gah dôm tơdrong hơdrin găn hloh tơnap tap klaih đơ̆ng hin dơnuh; pơm pơdrŏng; tơroi gah tơdrong hlôh vao lơ̆m pơm kiơ̆, pơjing trong jang vă tơjur hin dơnuh kơjăp sơđơ̆ng.

Tơdrong akŏm oei đei dôm ƀai chih, tơgŭm ăn bơngai lăng hlôh vao hơdah hloh kơ dôm tơdrong jang đei jơnei lơ̆m pơm kiơ̆ Tơdrong pơlong “Kơyuơ bơngai hin dơnuh  – Ưh đei prơih bơngai yơ tơ̆ rŏng” jăl sơnăm 2021-2023; atŭm hăm noh hơvơn dôm tơring pơtoi chĕp vei tơdrong tơguăt tơguăl, kơchăng đơ̆ng rim bơngai jang, anih jang păng unh hnam, pơm trong pơlong tơnăp lơ̆m tơpôl.