Tơbăt 70 sơnăm đei iŏk jơnei Điện Biên Phủ jing tơdrong kăp gĭt kơ tôm Đảng, tôm kon pơlei păng tôm khul linh vă tơroi pơtho gah tơdrong kăp gĭt, kơjă kơ jơhnơr hơrih hăm tơdrong đei jơnei “Ang jơva jơ̆p tơring kơ plei teh”.

Kiơ̆ tơlĕch jang, Lêh akŏm pơrok linh lơ̆m ‘măng Lêh tơbăt gô đei pơgơ̆r ah năr 7/5/2024 tơ̆ Cham tơplŏng kơdâu dêh char Điện Biên hăm tơdrong vang akŏm đơ̆ng lơ khul jang nhen: Khul linh, Dân kuân tư̆ vê̆, Kŏng an, păng kon pơlei... Atŭm hăm noh dôm khul pơdah tơ̆ cham. Ah Lêh akŏm pơrok gô đei 9 tong gre păr vơvêl chô̆ hla kơ Đảng, hla kơ Teh đak păr găn chơnang pơm lêh tơm; 4 anih akŏm pơrŏ; 24 anih akŏm khul linh; 9 anih akŏm kon pơlei păng pơrok hăm khul joh ayŏ kơdŏ suang.